ID: 98
ObjectID: 98
ID: 98
Name: საცხოვრებელი სახლი
FullName: საცხოვრებელი სახლი
Description: ერთსართულიანი სახლი მთავარი ფასადით ჭავჭავაძის ქუჩაზე გამოდის, კომპოზიცია ასიმეტრიულია. ფასადზე 3 ღიობი, ორი ფანჯარა და სადარბაზოს კარია განთავსებული. ფანჯრები და კარი კარნიზული თაროებით არის შემკული, რომელთა ფორმა აგურის წყობით არის გამოყვანილი. თავად ღიობების თავსართი მორკალულია. ფანჯრებს ქვემოთ, კედელი შეწეული იმპოსტებით ნაწევრდება, რომელთა ქვემოთ სარდაფის ნახევარფანჯრებია განთავსებული. სადარბაზოს ხის კარი ორფრთიანი და კვეთილია, მარკიზი ლითონის, ორნამენტული დეტალებით. სახლის ფასადი სამკუთხა ფრონტონით სრულდება, რომლის მთელი ზედაპირი ორფერი (მუქი და ღია წითელი) აგურის ჭადრაკული წყობით არის დეკორირებული. აღნიშნული სურათი კომპოზიციას დინამიკურს ხდის. ფრონტონი შუა რერძიდან მარცხნივ არის მოქცეული და სადარბაზოს ფლიგელს, სადაც შენობაში შესასვლელი კარია მოთავსებული, არ ხურავს. ეზოს მხარეს ხის ჭვირული აივანია (ნაწილობრივ შეცვლილი და ამოშენებული). შიდა სივრცე ორ ოთახად იყოფა. ინტერიერში შენარჩუნებულია სამყურა სარკმლების ალათები (ლოჯსა და ოთახს შორის), აგრეთვე ძველი განჯინა „წალო“-ები. ეზოს მხარეს სახლი ორსართულიანია, სარდაფის სართულიც მაღალია. მისი ღიობები აგურის მძლავრ სვეტებზე შედგმული აივნის ქვემოთ გამოდის. გვერდითი ფასადი აგურისა და რიყის ქვის მონაცვლეობით, ე.წ. „კახური წყობით“ არის ნაგები. ჭავჭავაძის ქუჩისკენ მიმართული აგურის ფასადი დამახასიათებელია თელავის თანადროული საერო არქიტექტურისათვის - ორი ფანჯრისა და სადარბაზო კარისაგან შემდგარი კომპოზიცია.
StatusName: კულტურული მემკვიდრეობის ძეგლი
StatusDocDate: 2006-02-23
StatusDocNumber: 3/46
RegistryN: 168
CategoryName: ობიექტი/ძეგლი კატეგორიის გარეშე
Country: საქართველო
Region: კახეთი
Municipality: თელავი
Settlement: თელავი
Address: ჭავჭავაძე/98
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 ს. შუა წლები
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 45.46576791
Y: 41.92360204