ID: 84
ObjectID: 84
ID: 84
Name: საცხოვრებელი სახლი
FullName: საცხოვრებელი სახლი
Description: ორსართულიანი აგურის საცხოვრებელი სახლი ქალაქ თელავში ჩოლოყაშვილის ქუჩაზე მდებარეობს და ყურადღებას თავისი საფასადე გადაწყვეტით იქცევს. შენობა გადახურულია მეტალოკრამიტით. მისი პირველი სართული სავაჭრო რიგისთვის იყო განკუთვნილი, რაზეც მისი სურათი მეტყველებს - ორივე ფასადი დაყოფილია ფართე თაღოვანი ნიშებით, რომელშიც კარ-სარკმელია მოთავსებული. მათ გაყოლებაზე ეზოში შესასვლელი ალაყაფის კარია მოწყობილი. მეორე სართულს, მთელს გაყოლებაზე ამშვენებს გადახურული, ხის ჭვირული აივანი, რომელიც ნაგებობას კუთხით შემოწერს და ორივე ფასადზე ვითარდება. სავარაუდოდ, ის, სარეაბილიტაციო სამუშაოების დროს უნდა იყოს სახეცვლილი. აივნის შემამკობელი დაბალი თაღის მქონე ჭვირული ფარდები ორნამენტით სიმეტრიულად არის შევსებული. მეორე სართულზე, ყურადღებას იქცევს ვიწრო და მაღალი კარ-სარკმლის ავთენტური ხის, შეისრული ჩარჩოები, თავისი შეისრული მოყვანილობის თავსართებით. ნაგებობა, ვიწრო ფასადისკენ ფრონტონით გვირგვინდება. ეზოს მხარეს მოქცეული და მთავარი ფასადის ნაწილი, რეაბილიტაციის შემდეგ, დეკორატიული ნალესობით არის დაფარული.
StatusName: კულტურული მემკვიდრეობის ძეგლი
StatusDocDate: 2006-02-23
StatusDocNumber: 3/46
RegistryN: 154
CategoryName: ობიექტი/ძეგლი კატეგორიის გარეშე
Country: საქართველო
Region: კახეთი
Municipality: თელავი
Settlement: თელავი
Address: ჩოლოყაშვილი/53
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 ს.
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 45.46443885
Y: 41.92067534