ID: 82
ObjectID: 82
ID: 82
Name: საცხოვრებელი სახლი
FullName: საცხოვრებელი სახლი
Description: შენობა ჩოლოყაშვილის ქუჩაზე მდებარეობს და ქუჩის საერთო განაშენიანების ხაზს აყალიბებს. ორსართულიანი სახლი, გარემოს მორგებული პროპორციით ხასიათდება. ის ორქანობა, კრამიტის სახურავით არის დახურული. ქუჩისპირა ფასადის კომპოზიცია ორი ნაწილისგან შედგება: მარცხენა მხარე აზიდული პროპორციებისაა, იგი მაღალი ფრონტონით სრულდება. ფრონტონი მუქი და ღია ფერის აგურის რიგებითაა ამოყვანილი. პირველი და მეორე სართული ერთმანეთისგან ლავგარდანით იყოფა. ორივე სართულზე, ერთმანეთის თავზე, ორ-ორი სწორკუთხა მოხაზულობის სარკმელია განთავსებული, რომელთა ქვეშაც მართკუთხა ჩაღრმავევები, მეორე სართულზე განლაგებული ღიობების თავზე კი სანდრიკებია მოქცეული, რაც ფასადის საერთო დეკორატიულ ქარგაში იწერება. ფასადის მაღალი ნაწილის კიდეები, ისევე, როგორც დაბალ ნაწილზე მოქცეული ღიობების კიდეები, ვერტიკალურად განლაგებული არათანაბარი რუსტების რიგებით არის მონიშნული. ფასადის მარჯვენა ნაწილი, უფრო დაბალია – პირველ სართულზე კარია გაჭრილი, რომლის მეშვეობითაც, მეორე სართულთან დამაკავშირებელ კიბეზე მოხვედრაა შესაძლებელი. მეორე სართულზე ხის აივანი მოკლე წახნაგით გამოდის. აღნიშნული აივანი ეზოს მხარეს მოქცეულ გვერდით ფასადს, მთელ სიგრძეზე გასდევს და ბოლოში ნაგებობას კუთხით შემოწერს. ზედა სართულზე სამი ანფილადური ოთახია, რომელთა ღიობები აივანზე გამოდის. აივნის ერთი ნაწილი შემინულია. აივნის სვეტები მრგვალია, მათ შორის კი ჭვირული ფარდებია მოქცეულია. აივნის კედელი ლურჯად იყო შეღებილი. პირველი სართულის აივანი მთლიანად შუშაბანდებადაა ქცეული. ოთახებში შენარჩუნებულია ძველი ხის კარ-ფანჯარა, ბუხარი და კედლის ღუმელი, განჯინები, ერთ ოთახში კედლები მოხატულია. ქუჩის მხარეს სახლს ებმის აგურის, კრამიტით გადახურული ალაყაფი. ეზოში დგას ძველი აგურის საჯინიბო, ხის გადახურვით და ძველი ჭით. ნაგებობა თავის მხატვრულ-არქოეტქტურული გამოსმახველობით, თელავური არქიტურის საინტრესო მაგალითს წარმაოდგენს.
StatusName: კულტურული მემკვიდრეობის ძეგლი
StatusDocDate: 2006-02-23
StatusDocNumber: 3/46
RegistryN: 153
CategoryName: ობიექტი/ძეგლი კატეგორიის გარეშე
Country: საქართველო
Region: კახეთი
Municipality: თელავი
Settlement: თელავი
Address: ჩოლოყაშვილი/52
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის II ნახევარი
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 45.46461739
Y: 41.92084586