ID: 47
ObjectID: 47
ID: 47
Name: საცხოვრებელი სახლი
FullName: საცხოვრებელი სახლი
Description: ქ. თელავში ახვლედიანის ქუჩაზე მდგარი ერთსართულიანი სახლი გამოირჩევა თავისი მწყობრი და დახვეწილი ფასადით. შენობა აგურისგანაა აგებული და გადახურულია კრამიტითა და თუნუქით. იგი არცთუ ისე მაღალი ცოკოლით ორგანულად არის მორგებული მსუბუქად დამრეც ქუჩის ზედაპირს. ფასადი სიმეტრიულად დანაწევრებეულია სწორკუთა ხუთი სარკმლითა და სადარბაზოს ორი ხის კარით, რომელთაც, თავის მხრივ, თუნუქით გადახურული, ხის წინფრა ამშვენებს. სადარბაზოს კარები, ისევე როგორც სარკმლები, ფლანკირებულია აგურში ამოყვანილი, რუსტირებული პილასტრებით. აგურისავე დეკორით გვირგვინდება მათივე თავსართები. სადარბაზოს ერთი კარი თავდაპირველი სახით არის შემორჩენილი - ორფრთიან კარს ცხაურით დაფარული სარკმლები ერთვის. ერთი კი სახეცვლილია - ფანჯრები ყრუ ხის დეტალებით არის ამოვსებული. ორივე კარი დეკორატიული სამკუთხა ფრონტონებით, ცალკეული რუსტებით, შპილებითა და სხვადასხვა ხუროთმოძღვრული სამკაულით არის შემკული. საფასადე კომპოზიციას ასრულებს მარტივპროფილიანი კარნიზი და მაღალი პარაპეტი, მართკუთხა ჩაღრმავებული ფორმებით. სადარბაზოს კარის თავზე კი პარაპეტში რკალური ფრონტონია ჩართული. საცხოვრებელი სახლის გევრდითი ფასადებიდან ერთს ხის აივანი ამკობს, ხოლო მეორე გამორჩეულია კედლის აგურისა და ქვის მონაცვლეობითი წყობით. სახლს ორივე მხრიდან, ცალკე მდგომი ალაყაფი ერთვის - აგურის კედლებში ჩასმული ჭიშკრებით. აქედან მარჯვენა მოგვიანებით შეკეთებული. ნაწილობრივ სახეცვლილ ფასადზე ხის აივანს ხის ყრუ მოაჯირი საზღვრავს, შემორჩენილია "კრონშტაინების" მწკრივი. ძირითად სართულს ეზოსთან, მცირე ზომის თანამედროვე კიბე აკავშირებს. ეზოს მხარეს, სარდაფის სართულზე დაყრდნობილი ხის აივანია მიმართული, რომელიც ფასადს მიუყვება. შენობის ინტერიერები ხალვათი, ანფილადური ოთახების წყებით ხასიათდება.
StatusName: კულტურული მემკვიდრეობის ძეგლი
StatusDocDate: 2006-02-23
StatusDocNumber: 3/46
RegistryN: 119
CategoryName: ობიექტი/ძეგლი კატეგორიის გარეშე
Country: საქართველო
Region: კახეთი
Municipality: თელავი
Settlement: თელავი
Address: ელ. ახვლედიანი/15
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 ს. პირველი ნახევარი
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 45.47396865
Y: 41.91558666