ID: 4547
ObjectID: 4547
ID: 4547
Name: საცხოვრებელი სახლი
FullName: საცხოვრებელი სახლი
ComplexName:
Description: ოთხსართულიანი საცხოვრებელის მეოთხე სართული წარმოადგენს მანსარდას თუნუქის სამერცხლულით. ნაგებობა რენესანსულ-ბაროკული სტილის ნიშნებს ატარებს, სადაც გვხვდება მოდერნისთვის სახასიათო სტილიზებული ყვავილოვანი გირლანდები და მცენარეული ორნამენტები. საცხოვრებელი სახლი XX საუკუნის დასაწყისშია აგებული. სამშენებლო მასალად გამოყენებულია აგური და დაფარულია დეკორატიული ლესვით. გეგმაზე საცხოვრებელი სახლი რუსული პ-ს ფორმისაა. მთავარი ფასადი, რომელიც რუსთაველზე გამოდის მკაცრად სიმეტრიულია და შემკულია საფასადო ნაძერწობით, სართულებს შორის მოთავსებული დეკორატიული ფრიზით, კარნიზითა და სამი რიზალიტით. სწორედ რიზალიტების განლაგებით (ფასადის ცენტრში და გვერდებზე) არქიტექტორი აღწევს სიმეტრიული, გაწონასწორებული და მოწესრიგებული კომპოზიციის სურათს. რიზალიტის კომპოზიციები მხატვრული გადაწყვეტით განსხვავდება ფასადის სხვა არეებისგან. კერძოდ, მათი პირველი სართული დაფარულია უხეში, დიდი ქვის ფაქტურის რუსტიკით. აქვე ცენტრში მოწყობილია შესასვლელები. მეორე და მესამე სართულებს ამკობს დეკორატიული, ლითონის ორნამენტირებული აივნები. კარის საპირე გამოყოფილია რუსტიკის წყობით და დეკორატიული მცირე მცირე თავსართით. მეტად დეკორატიულია მესამე სართული - კანელურებიანი პილასტრებით, დეკორატიული თაროებით, იმპოსტებითა და ყვავილოვანი გირლანდებით. როგორც აღვნიშნეთ რიზალიტებს შორის არსებული ფასადის არე, მათთან შედარებით ნაკლებად დეკორატიულია, თუმცა აქაც გვხვდება საფასადო ნაძერწობა მცენარეული ორნამენტების, ამურის თავების გამოსახულებების, ყვავილოვანი დეკორატიული იმპოსტებისა და თაროების კომპოზიციების სახით. მართალია ნაგებობის გვერდით ფასადზეც გვხვდება მსგავსი კომპოზიციები და ორნამენტები, მაგრამ მთავარ ფასადთან შედარებით სისადავით გამოირჩევა. ეს ფასადი მოკლებულია ჭედურ აივნებს, მაგრამ აქ გვხვდება შიდა ეზოში შესასვლელი დეკორატიული ჭიშკარი. ნაგებობის მთავარი შესასვლელი მთავარი ფასადის კომპოზიციის ცენტრში მდებარეობს. პარადულ ვესტიბიულში, სადარბაზოს ხის, ორნამენტირებული ცხაურითა და მოდერნის სტილის ჩუქურთმებით შემკული კარით ვხვდებით. აქ ყურადღებას იმსახურებს მოზაიკის ტალღოვანი და მცენარეული ორნამენტით შემკული იატაკი, კანელურებიანი იონური ორდერის პილასტრებითა და თაღედით გაფორმებული კედლები და მსუბუქი ნაძერწობით დაფარული პლაფონი. ქვის კიბეები, რომელიც გაფორმებულია ლითონის ორნამენტირებული მოაჯირითა და დეკორატიული სანათით. ნაგებობას აქვს შიდა ეზო, რომლის ფასადსაც გადაკეთებისა და ამოშენების შედეგად დაკარგული აქვს ავთენტური სახე. თუმცა შენობის ერთი ფრთა მეტნაკლებად იძლევა პირვანდელი სახის აღდგენის საშუალებას. აქ გვხვდება ხის, დახურული, ჭვირული ორნამენტებით შემკული შუშაბანდები. შენობის საერთო მდგომარეობა დამაკმაყოფილებელია, თუ არ ჩავთვლით უხეშ ჩარევას ეზოს ფასადის მხარეს.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4832
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: რუსთაველის გამზ./40
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 საუკუნის დასაწყისი
DateRangeFrom:
DateRangeTo:
InitialFunction: საცხოვრისი>>ქალაქური>>1900-1921 წწ. ქალაქური საცხოვრისი;
CurrentFunction: სავაჭრო;ფუნქციის გარეშე;
Classification: არქიტექტურის
Accuracy: სწორია
X: 44.79364756
Y: 41.70195615