ID: 4528
ObjectID: 4528
ID: 4528
Name: საცხოვრებელი სახლი
FullName: საცხოვრებელი სახლი
ComplexName:
Description: სახლი ორსართულიანია და აგურისგან არის ნაგები. კომპოზიცია ასიმეტრიულია, სარკმლების რიტმულ განლაგებას ქვედა სართულზე კარები, ხოლო ზემოთ, მარცხენა მხარეს, დაშენება არღვევს. ორივე სართულზე ფანჯრები თაღოვანია, ღიობების ზედა ნაწილში დაბალი თაღი ვერტიკალურად დაწყობილი აგურითაა ამოყვანილი. ქვედა სარკმლების თაღებს შუაში საჭექი ქვა აქვს აქცენტირებული, ზედა სართულის ფანჯრები კი მთლიანად ჩასმულია სწორკუთხა მოჩარჩოებაში, რომელიც ზედაპირიდანაა ამოწეული და ჰორიზონტალური თაროთი სრულდება. პირველი სართული რუსტირებულია, მეორეზე კი ფანჯრების ქვეშ მხოლოდ თითო რუსტია გაკეთებული. ნაგებობის მარჯვენა მხარეს ერთგვარი რიზალიტის სახე აქვს, რომელიც ზემოთკენ პარაპეტით სრულდება. ფასადის ზედა ნაწილი წარმოადგენს აგურის წყობის რამდენიმე ჰორიზონტალურ რიგს, რომლის ქვემოთაც კრონშტაინებია ჩამწკრივებული. რაც შეეხება რიზალიტის ზედა მხარეს, ის შემკულია თაღოვნად განლაგებული სიბრტყიდან გამოწეული აგურების მწკრივით. ნაგებობას სამი ხის კარი აქვს და ისინი რკინის ორნამენტული ცხაურით არის დამშვენებული. შენობის მარცხენა კიდეში ორი კარი წყვილად არის ჩასმული და მათი ღიობი საერთო განიერი თაღით იკვრება. ფასადის მარჯვენა მხარეს კი მესამე კარია, რომელსაც სამკუთხა წინფრა აქვს. კარისზედა გადახურვის საფასადე მხარე და კრონშტაინები რკინის ორნამენტებითაა შემკული. ზედა სართულის სარკმლების რიტმს შუაში ჩასმული სადა პილასტრი არღვევს, რომელიც ზემოთკენ სამკუთხა რელიეფური პილასტრითაა დასრულებული. ასეთივე პილასტრია ჩასმული ნაგებობის მეორე სართულის კიდეებშიც. ნაგებობა ტიპური თბილისური აგურის სახლია, რომელიც სადა დეკორით გამოირჩევა, რაც საკმაოდ ხშირია და დამახასიათებელია თბილისისთვის.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 3969
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: ბესიკის ქ./22
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასასრული
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
Classification: არქიტექტურის
Accuracy: სწორია
X: 44.79447641
Y: 41.69692232