ID: 4357
ObjectID: 4357
ID: 4357
Name: საცხოვრებელი სახლი
FullName: საცხოვრებელი სახლი
ComplexName:
Description: აგურის სახლის მთავარი ფასადი ბესიკის ქუჩაზე გამოდის და გარედან შელესილი და დეკორირებულია. შენობის კომპოზიციურ ცენტრს მეორე სართულის მოზრდილი აივანი წარმოადგენს. ზედა სართული სიმეტრიულია, ხოლო პირველი სართულის სარკმლების რიტმს მათ შორის გაჭრილი კარის ღიობი არღვევს. ფასადის ყველა ფანჯარა სწორკუთხაა. ქვედა სართულის ნაწილი მიწის ქვეშაა მოქცეული; აქ სარკმლები სწორკუთხა დაღარულ ჩარჩოშია ჩასმული. პირველ და მეორე სართულებს შორის კარნიზის მსგავსი რელიეფური სარტყელია დატანილი. რაც შეეხება მეორე სართულს, აქ, როგორც აღვნიშნეთ, დომინანტი აივანია. მისი მოაჯირი შემკულია რკინის ორნამენტული ცხაურით, გადახურვა კი ხისაა. მოცემული სართულის ღიობები ქვედა სართულისგან განსხვავებული დეკორითაა შემკული; ისინი ჩასმულია სწორკუთხა ჩარჩოში, ხოლო მათ ზემოთ არსებული თარო ორ დეკორატიულ, სიბრტყიდან მცირედ ამოზრდილ კრონშტაინს ეყრდნობა. სარკმლებს ქვეშ თითო წაგრძელებული რუსტია ჩასმული. აივნის ორსავ მხარეს და მეორე სართულის კიდეებში რუსტირებულ მაღალ ბაზისზე შემდგარი დეკორატიული პილასტრებია წარმოდგენილი. ქვედა სართულზე, მეორე სართულის პილასტრების ქვემოთ, ასევე გვხვდება რუსტირებული მონაკვეთები. კარის ღიობი განიერია და სწორკუთხა ჩარჩოშია ჩასმული. დღეს არსებული კარი თავდაპირველი არ უნდა იყოს. ნაგებობას არასწორკუთხოვანი ეზო აქვს. მრავალი გადაკეთებისა და ჩარევების შედეგად მას ერთიანი სახე დაკარგული აქვს. მოშლილია ხის აივნები და შუშაბანდი, XIX ს. კიბე კი თავდაპირველი სახით არის შემორჩენილი. ნაგებობის უკანა მხარე ვ. კოტეტიშვილის ქუჩაზე გადის, ის ძლიერაა სახეცვლილი, შელესილია და გასამაგრებლად ბოძები აქვს შეყენებული.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 3970
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: კოტეტიშვილი ვახტანგის ქ./15.ბესიკის ქ./24
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 საუკუნის დასაწყისი
DateRangeFrom:
DateRangeTo:
InitialFunction: საცხოვრისი>>ქალაქური>>1900-1921 წწ. ქალაქური საცხოვრისი;
CurrentFunction: საცხოვრისი>>ქალაქური>>1900-1921 წწ. ქალაქური საცხოვრისი;
Classification: არქიტექტურის,მემორიალური
Accuracy: სწორია
X: 44.79444887
Y: 41.6967289