ID: 4242
ObjectID: 4242
ID: 4242
Name: მთაწმინდის პანთეონი
FullName: ქართველ მწერლთა და საზოგადო მოღვაწეთა მთაწმინდის პანთეონი
Description: ქართველ მწერალთა და საზოგადო მოღვაწეთა მთაწმინდის პანთეონი — მეცნიერთა და ხელოვანთა დასაკრძალი ადგილი თბილისში - მდებარეობს მთაწმინდის ფერდობზე, მამადავითის ეკლესიის შემოგარენში. ზოგადად, პანთეონის დაარსების ისტორია მომდინარეობს XIX საუკუნიდან, როდესაც 90-იან წლებში, ქართველთა შორის წერა-კითხვის გამავრცელებელმა საზოგადოებამ განიზრახა თბილისში აეშენებინა ქართველ მოღვაწეთა პანთეონი. ფართო საზოგადოება ინტერესით შეხვდა წამოწყებას და შეძლებისდაგვარად, სწირავდა სახსრებს საზოგადოებას პანთეონის ასაგებად, თუმც, სამწუხაროდ, საქართველოს გასაბჭოებამდე, ჩანაფიქრის განხორციელება ვერ მოესწრო. უშუალოდ მთაწმინდაზე პანთეონის დაარსების იდეა გაჩნდა უფრო მოგვიანებით, 1915 წელს, აკაკი წერეთლის დაკრძალვის დღეებში, მაგრამ რეალურად, პანთეონი გაიხსნა 1929 წელს, აქ დაკრძალული ალექსანდრე გრიბოედოვის გარდაცვალების მე-100 წლისთავზე, როდესაც მთაწმინდის მამადავითის ეკლესიის ეზო, ოფიციალურად, გამოცხადდა საქართველოს მწერალთა და საზოგადო მოღვაწეთა პანთეონად. სწორედ ალ. გრიბოედოვის საფლავის მღვიმით იწყება პანთეონზე საფლავები. მის გვერდით განისვენებს მწერლის მეუღლე - ნინო ჭავჭავაძე-გრიბოედოვისა. მთაწმინდის პანთეონზე განისვენებს არაერთი საზოგადო მოღვაწე და ქვეყნის მოამაგე ადამიანი (მათ შორის: ი. ჭავჭავაძე, ნ. ბარათაშვილი, ა წერეთლი, ვაჟა–ფშაველა, დ. ყიფიანი, გ. ლეონიძე, ნ. ნიკოლაძე, გ. ტაბიძე, კ. არჯანიშვილი, ვ. ანჯაფარიძე, ს. ზაქარიაძე, ქაქუცა ჩოლოყაშვილი, ექ. თაყაიშვილი და სხვა). უნდა ითქვას, რომ პანთეონის კულტურულ ფასეულობას ერთიორად ზრდის მხატვრული თვალსაზრისით ღირებული მემორიალური საფლავების სკულპტურული კომპოზიციები, რომელთა ავტორებიც, ხშირად, ცნობილი ქართველი მხატვრები და მოქანდაკეები არიან (მათ შორის, იაკობ ნიკოლაძე, ნიკოლოზ კანდელაკი და დავით კაკაბაძე).
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4668
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: მთაწმინდის ქ./
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: 1929 წელი
InitialFunction: მემორიალური ;
CurrentFunction: მემორიალური ;
Classification: მემორიალური
Accuracy: სწორია
X: 44.78889209
Y: 41.69585839