ID: 4223
ObjectID: 4223
ID: 4223
Name: საცხოვრებელი სახლი
FullName: საცხოვრებელი სახლი
ComplexName:
Description: ქუჩათა კვეთაზე მდგარი სამსართულიანი აგურის შეულესავი შენობის ფასადი სადაა. სახლს მესამე სართული დაშენებული აქვს, რისი გარჩევაც მისი მასშტაბითა და მორთულობის ნაკლებობით ხდება. კუთხის წახნაგზე, სამივე სართულზე მოწყობილია აივანი თითო ღიობით. ზედა სართულზე აივანი მთლიანად მოშლილია, პირველ სართულზე კი ფრანგული აივანია. მეორე სართულის აივანი რკინის ორნამენტირებული ცხაურით არის შემოსაზღვრული. ღიობები ოდნავ ჩაღრმავებულ ნიშებშია გაჭრილი, რომლებსაც ზემოთ დეკორატიული საჭექი ქვები ამკობს. ვ. კოტეტიშვილის ქუჩისკენ გამავალი ფასადი ასიმეტრიულია. აქ სადარბაზოს ღიობი ცენტრიდან მარჯვნივ არის მოწყობილი. კარს ორნამენტირებულ კრონშტაინებს დაყრდნობილი წინფრა ამკობს. მეორე სართულის სარკმლებს დეკორატიულ საჭექ ქვაზე ჩამოყრდნობილი კლასიცისტური თაროები აბოლოებს. პირველი სართულის სარკმლებს საჭექი ქვა ერთვის. მესამე სართულის ფანჯრების შემამკობელი ელემენტები პირველი სართულის ერთგვარი გამეორებაა. არსენას ქუჩის მხარეს გამავალი ფასადის პირველი სართულის თავდაპირველ სიმეტრიულ სახეს შენობის მარჯვნივ, ფანჯრის ადგილას გაჭრილი კარი არღვევს, დანარჩენ ორ სართულზე კი ფასადის მარჯვენა მხარეს მოწყობილი აივნები. ფასადის ცენტრში ერთმანეთისგან დამოუკიდებლად მდგარი სადარბაზოს ღრმაწირთხლებიანი ღიობებია გაჭრილი, რომელშიც რკინის ცხაურებიანი ორფრთიანი კარებია ჩამოკიდებული. მათ თავზე მოწყობილია მოზრდილი აივანი, რომელსაც რკინის მოჩუქურთმებული მოაჯირი ამშვენებს. კარები და აივანი მოქცეულია განიერ, ოდნავ ამოწეულ რიზალიტში, რომელიც ერთგვარი რუსტირებული პილასტრისებრი ელემენტით არის გამოყოფილი ერთიანი ფასადიდან. სარკმლების დეკორი ვ. კოტეტიშვილის ფასადის კომპოზიციის ანალოგიურია და ასევე გვხვდება რკალურფრონტონიანი სარკმლებიც. ორივე ფასადზე გამავალ გარკვეული ღიობების რაოდენობა სადა საპირეებით არის შემოსაზღვრული, რომელიც, სავარაუდოდ, გვიანდელია. მართკუთხა ფორმის ეზოს სამივე სართულზე ხის აივნები მიუყვება. ეზოს მხრიდანაც შესამჩნევია, რომ მესამე სართული დაშენებულია, რადგან მოაჯირები უფრო სადაა, სართული კი შედარებით დაბალი. სართულები ორი სპირალისებური კიბით უკავშირდება ერთმანეთს.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4519
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: კოტეტიშვილი ვახტანგის ქ./11.არსენას ქ./2
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასასრული
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
Classification: არქიტექტურის
Accuracy: სწორია
X: 44.79502986
Y: 41.69676766