ID: 4133
ObjectID: 4133
ID: 4133
Name: საცხოვრებელი სახლი
FullName: საცხოვრებელი სახლი
ComplexName:
Description: მცირემასშტაბიანი აგურის ნაგებობა ვ. კოტეტიშვილის ქუჩის ირიბ მოხაზულობას მიუყვება. ფასადი შელესილი და სადაა. ძირითად ნაგებობას, ქუჩის მხარეს, ეზოსკენ გამავალი ხის შუშაბანდის გვერდითა კედელი ერთვის, რაც საფასადე კომპოზიციას ასიმეტრიულს ხდის. ძირითადი ნაგებობის ფასადი სიმეტრიულია, პირველ სართულზე მომცრო, თუმცა შენობის მასშტაბისთვის შესაბამისი ორი სარკმელია გაჭრილი. მათ ზემოთ მოწყობილია ხის ჭვირულმოაჯირიანი აივანი, რომლის გადახურვაც, ასევე, ხის სვეტებს ეყრდნობა. გადახურვას ხის კრონშტაინებითა და სამკუთხა კბილანებით დანაწევრებული ფრიზი ამკობს. აივანზე ორი ღიობი გამოდის. შენობას ატიკი აბოლოებს. ქუჩის დაქანების გამო, ფასადზე სარდაფის სარკმლები ჩნდება. შუშაბანდის ქუჩისკენ გამავალ გვერდით კედელში, ვიწრო, ჰორიზონტალურად განლაგებული სარკმელია გაჭრილი. საცხოვრებელი სახლის პატარა ეზოსკენ გამავალი ფასადი შუშაბანდებით და ხისმოაჯირიანი აივნებით არის წაარმოდგენილი. პირველი სართული რამდენიმე საფეხურიანი, ხოლო მეორე სართული გვერდითა სახლის კედელზე მიბჯენილი ხის ორ ნაწილიანი კიბით უკავშირდება ეზოს. მის ქვეშ გვიანი კედელია ამოშენებული, რის გამოც, ფასადს პირვანდელი იერსახე დაკარგული აქვს. აღნიშნული ნაგებობა, მთლიანობაში, როგორც ქუჩის, ასევე ეზოს მხარეს მიმართული ფასადებით თბილისური აივნიანი სახლისათვის დამახასიათებელი იერით ხასიათდება და ერთგავრ გადაძახილს წარმოადგენს მიმდებარე ქუჩებზე არსებულ შუშაბანდებიან და აივნიან სახლებთან.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4522
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: კოტეტიშვილი ვახტანგის ქ./4
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის შუახანი
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
Classification: არქიტექტურის
Accuracy: სწორია
X: 44.79612919
Y: 41.69666632