ID: 3975
ObjectID: 3975
ID: 3975
Name: საცხოვრებელი სახლი
FullName: საცხოვრებელი სახლი
ComplexName:
Description: გრძივი გეგმარების ნაგებობა მდებარეობს კ. აფხაზის ქუჩის ბოლოში. ის იწყება სიონის ქუჩის კუთხიდან და გადის გორგასლის მოედანზე. ნაგებობის უკანა ფასადი, რომელიც მომიჯნავედ მდგარი ნაგებობების ეზოებში გადის, სრულიად სადაა. მხატვრულად გადაწყვეტილია მხოლოდ, ქუჩისპირა ფასადი. ნაგებობა ორსართულიანია, ახალი დაშენებული მასარდით. პირველი სართული გახსნილია განიერი, სწორკუთხა ღიობებით. დაახლოებით თანაბარი შუალედებით, ფასადზე არის სადარბაზოს ორი, ხის კარი, ლითონის ცხაურით. მეორე სართულს ანაწევრებს სწორკუთხა მოხაზულობის ფანჯრის ღიობები, რომლებსაც შემოუყვება პროფილირებული ჩარჩო და ზემოდან საჭექი ქვის იმიტაცია აქვს. ანალოგიური გაფორმება აქვს ორ კარს, რომლებიც პატარა, ლითონის აჟურულმოაჯირიან აივანზე გამოდის. შუაკედლისები აღნიშნულია პილასტრებით. ფანჯრების ძირში ფასადს პროფილირებული სარტყელი გასდევს, ხოლო მის ქვემოთ მართკუთხა არეებია განთავსებული. ნაგებობა სრულდება პროფილირებული კარნიზით და მის ზემოთ არსებული პარაპეტით. პარაპეტი სადაა, მხოლოდ იმ მონაკვეთში, სადაც აივანი გამოდის, პარაპეტი აღნიშნულია რიკულებით. ნაგებობაზე მოგვანებით მოწყობილია მანსარდა, რომელიც პერიმეტრიდან, შედარებით, შიგნით არის შეწეული.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4577
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: კოტე აფხაზის ქ./42
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის შუახანი
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;კულტურა;
Classification: არქიტექტურის
Accuracy: სწორია
X: 44.80833955
Y: 41.69025572