ID: 3888
ObjectID: 3888
ID: 3888
Name: საცხოვრებელი სახლი
FullName: საცხოვრებელი სახლი
ComplexName:
Description: ნაგებობა მსხვილმასშტაბიანია. შენობის ფასადი, რომელიც ჩიხის მხარეს გადის, იკავებს ჩიხის ერთ მთლიან მონაკვეთს. გვედრითი ფასადი გადის სიონის ტაძრისკენ, ხოლო, მთავარი ფასადი სანაპიროსკენაა მიმართული. ამ მხარეს ნაგებობას რუსული გ-ს ფორმა აქვს. ჩიხის მხარეს ნაგებობა ორსართულიანია, მხოლოდ კუთხის მონაკვეთი, რომელიც სიონისკენაა მიმართული დაირთავს მეზონინს. სანაპიროსკენ სამი სართული გამოდის. ჩიხის მხარეს ფასადი სადაა, მხოლოდ პირველი სართულის სამ ფანჯრის ღიობს აქვს თაროსა და ფრონტონის სახის თავსართი. სხვა ღიობები, რომლებიც ანაწევრებს მეორე და მეზონინის სართულს სწორკუთხა მოყვანილობისაა, ყოველგვარი მორთულობის გარეშე. პირველ სართულზე არის ორი სადარბაზოს კარი, ორივე სადარბაზოში მოწყობილია ხის კიბე, რიკულებიანი მოაჯირით. ფასადის შუა მონაკვეთში, მეორე სართულზე აივანი გამოდის, რიკულებიანი მოაჯირით. აივანი აქვს ასევე, მეორე სართულს კუთხეში, და მის თავზე არსებულ მეზონინს. ორივე სართულზე აივანი გადადის გვერდით ფასადზე, სიონის მხარეს. მთავარი ფასადი, რომელიც სანაპიროს მხარესაა, სამსართულიანია და გეგმაზე რუსული გ-ს ფორმა აქვს. სამივე ფასადზე აივანი გამოდის, მხოლოდ მარჯვენა მხარეს, კუთხეში, ბოძების ორი მალი სამივე სართულზე დათმობილი აქვს შუშაბანდს, რომელსაც რომბის ფორმის ალათები აქვს. აივნის მოაჯირები გაფორმებულია რიკულებით. ბოძები გეგმაზე მრავალწახნაგაა და სრულდება კვადრატული ფორმის კაპიტელით. სანაპიროსკენ მიმართული, გვერდითი ფასადის პირველ სართულზე აივანი არ გადმოდის, ხოლო, ზედა, მესამე სართულის აივანი გრძელდება სიონის მხარესაც.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4291
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: ერეკლე მეორის შეს./6
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 44.80746666
Y: 41.69178615