ID: 3883
ObjectID: 3883
ID: 3883
Name: საცხოვრებელი სახლი
FullName: საცხოვრებელი სახლი
ComplexName:
Description: სამსართულიანი საცხოვრებელი სახლის ფასადი მოდერნის სტილის ხუროთმოძღვრული ელემენტებით სადად არის შემკული. ნაგებობა, გეგმის მიხედვით, სამკუთხა მოხაზულობაშია ჩაწერილი და მისი ფასადები ორი სხვადასხვა ქუჩის მიმყოლად არის განლაგებული. შენობის მახვილი, პატარა სამკუთხა ფრონტონით დაგვირგვინებული კუთხე მოკვეთილია და მასზე ღიობები, ერთი აივანი და სარკმლის ფორმის ნიშაა მოთავსებული, რაც მის მკვეთრად ვერტიკალურ მოხაზულობას კიდევ უფრო მეტად უსვამს ხაზს. ათონელის ქუჩის მიმყოლად განლაგებული ფასადი ასიმეტრიულია. მარცხნივ ერთგვარი რიზალიტია მონიშნული, რომელიც მეორე სართულის სიმაღლეზეა მოთავსებული. მის ცენტრში, გიგანტურ, თუმცა მსუბუქ პილასტრებზე დაყრდნობილი სამკუთხა ფრონტონია წარმოდგენილი. პილასტრების ორსავ მხარეს, ორი სართულის სიმაღლის, ვიწრო სარკმლებია გაჭრილი, ნახევარსვეტებს შორის კი სტანდარტული, მართკუთხა და დაბალი თაღის მქონე ფანჯარაა დატანილი. აღწერილი კომპოზიციის ქვეშ, პირველ სართულზე, შენობაში შესასვლელი ღიობია გაჭრილი, რომელიც საფეხურებად განლაგებულ რუსტებს შუა არის მოქცეული. ორფრთიანი სადა ხის კარი დაბალი ფრამუგით ბოლოვდება, მის ორსავ მხარეს კი მცირე ზომის სარკმლებია მოთავსებული. ფასადზე განსხვავებული ფორმის ღიობები და ფანჯრის ფორმის ნიშებია ჩამწკრივებული. პირველ სართულზე ფანჯრებს მაღალი თაღი აგვირგვინებს, მეორე სართულზე ისინი სწორკუთხაა, მესამეზე კი დაბალი თაღით დაბოლოებული. მათ შორის ორი რკინის ცხაურით შემოსაზღვრული აივანია შეკიდული. ღიობებს შორის სუსტი პილასტრებია ჩამწკრივებული, რაც საფასადე კომპოზიციას რიტმულსა და გაწონასწორებულს ხდის. სარკმლები, ნიშები და კარები მოდერნის სტილისათვის დამახასაითებელი ერთიანი, ჰორიზონტალურად გავლებული ხაზებით დანაწევრებული ჩარჩოთია შემოსაზღვრული. ჩიხის მხრიდან შენობას მცირე ზომის სამკუთხა ეზო ერთვის, რომელიც შუშაბანდებით არის წარმოდგენილი. სხვადასხვა სართულებს ეზოსთან ხვეული რკინის კიბე აკავშირებს, რაც ერთფეროვან, მცირე ეზოს მრავალფეროვანს ხდის. აღწერილი საცხოვრებელი სახლი მოდერნის სტილის არქიტექტურის მოკრძალებულ ნიმუშს წარმოადგენს. ის ეზოს მხრიდან თბილისური სახლის იერის შემცველია. ნაგებობა გარშემო არსებულ პატარა ეზოიან სახლებთან გადაძახილს ქმნის. ის ორი ქუჩის სილუეტს კარგად განსაზღვრავს და მიმდებარე მჭიდრო განაშენიანებაში მნიშვნელოვან როლს თამაშობს.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 3739
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: ათონელის ქ./8
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასასრული
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
Classification: არქიტექტურის
Accuracy: სწორია
X: 44.80531087
Y: 41.69741923