ID: 3808
ObjectID: 3808
ID: 3808
Name: საცხოვრებელი სახლი
FullName: საცხოვრებელი სახლი
ComplexName:
Description: აღნიშნულ ნომერში მდებარე, ე.წ. რუსული აგურით ნაგები, მსხვილმასშტაბიანი, სამსართულიანი შენობა გუდიაშვილის მოედნისა და ახოსპირელის ქუჩის შეყრის ადგილზე დგას. შესაბამისად, შენობას ორი ფასადი აქვს, რომლებიც ერთმანეთის იდენტურადაა დეკორირებული. ფასადებზე კედლის სიბრტყე შელესილია და მოყვითალოდაა დაფერილი, შემამკობელი არქიტექტურული ელემენტები კი თეთრია. მოყვითალო ფერი ახლა ალაგ-ალაგ გადაცლილია და წინა საღებავის კვალი ჩანს. ზოგან კი ბათქაშია აცვენილი და აგურის წყობა ჩანს. ამდენად, ფასადები “აჭრელებულია”. ქვედა ორი სართული ერთნაირადაა გაფორმებული. მათ საპირეებშემოვლებული, სწორკუთხა ფორმის ფანჯრები ანაწევრებს, რომელთა ქვემოთ მართკუთხა ფორმის არქიტექტურული ელემენტებია მოთავსებული. ფანჯრებს შორის კედლის სიბრტყე პილასტრებითაა გაწყობილი. პირველი სართულის მარცხენა, კიდურა ნაწილში არის სადარბაზო, რომელსაც ხის, ორფრთიანი, დეკორირებული კარი აქვს. ის მხატვრულად დამუშავებული, ლითონის ცხაურებითაა შემკული. სადარბაზოში დეკორატიულ მოაჯირიანი მარმარილოს კიბეებია. მარჯვენა მონაკვეთში კიდევ არის ერთი, ხის, უბრალო კარი, რომელიც მოგვიანებითაა გაჭრილი. მეორე სართულის ცენტრში ფასადზე მოდერნული სტილის, შეკიდული აივანი გამოდის. ის ახლა გადახურულია. მესამე სართულს წრიული მოხაზულობის მქონე ფანჯრები ანაწევრებს, რომელთაც აგრეთვე შემოუყვება საპირეები, ცენტრი კი საჭექი ქვებითაა აქცენტირებული. შენობას სწორკუთხა არქიტექტურული ელემენტებით დამუშავებული პარაპეტი აგვირგვინებს. ახოსპირელის ქუჩის მხარეს შენობა ქუჩის კონფიგურაციას იმეორებს და ორწახნაგოვანია. მარჯვენა წახნაგი ორსართულიანია. ფასადი მოედნის ფასადის იდენტურადაა დეკორირებული. მასზე ზოგი ფანჯარა ამჟამად, ამოქოლილია. ფასადის შემდეგ შენობა ქუჩის სიღრმეში ოდნავ, დიაგონალურადაა შეჭრილი. ეს მონაკვეთი მეორე სართულზე შუშაბანდით იხსნება, რომლისკენაც ქუჩიდან გვიანი, რკინის კიბე მიემართება. შენობა არქიტექტურულ-ურბანული თვალსაზრისით, ღირებულია. ის დიდწილად განსაზღვრავს მოედნისა და ქუჩის მხატვრულ-ისტორიულ სახეს.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 3882
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: გუდიაშვილი ლადოს მოედ./7.ახოსპირელი ბეგლარის ქ./2
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 საუკუნის დასასწყისი
DateRangeFrom:
DateRangeTo:
InitialFunction: საცხოვრისი>>ქალაქური;საცხოვრისი;
CurrentFunction: საცხოვრისი>>ქალაქური; კულტურა>>ბიბლიოთეკა; საცხოვრისი;კულტურა;
Classification: არქიტექტურის
Accuracy: სწორია
X: 44.80375221
Y: 41.69066576