ID: 3756
ObjectID: 3756
ID: 3756
Name: აბანო (გრილი აბანო)
FullName: აბანო(გრილი აბანო)
Description: ეს ნაგებობა აბანოს ფუნქციის მქონეა და ამ მიზნით იქნა აშენებული, რამაც მისი არქიტექტურის სპეციფიკური მახასიათებლები დიდწილად განსაზღვრა. მიწის ზედა ზონაში იკვეთება, მხოლოდ გუმბათის ტიპის მოცულობები და დანარჩენი არაერთგვაროვანი ინტენსიობის შვერილები, რომლებიც მხოლოდ ნაგებობის ძირითადი ნაწილის ზედა დამაგვირგვინებელ მონაკვეთს ააშკარავებს. რეალურად ამ შენობის ძირითადი ნაწილი მიწის ქვეშაა მოთავსებული, სადაც სიღრმე დაახლოებით ორი სართულის დონეს აღწევს, თუმცა მსგავსი დანაწევრება ძალიან არაერთგვაროვანია, რადგან ზოგან ეს განირჩევა, კიბეების მარშების და სხვა სათავსო დანიშნულების ღიობებთან მიმართებაში, ზოგან კი არა, რადგან საკუთვრივ დარბაზების სივრცეებში მსგავსი სართულისმიერი დაყოფა შეუძლებელია. აქ საქმე გვაქვს ერთიან, ფართე, მაღალ სივრცეებთან. ნაგებობა ნაშენია ძველი ქართული აგურით და მის ზედაპირზე სწორედ ამ აგურის ბრტყლად, ან ვერტიკალურ რიგებად დადება-გადანაწილების რიტმითა და წყობით მიიღწევა ძირითადი მხატვრული ეფექტი. აღნიშნული არქიტექტურის განმსაზღვრელი ფორმა - წრიული და მრუდი ხაზია. აქ, პრაქტიკულად, არ არის არც ერთი დეტალი, რომელიც წრეზე არ იყოს ორიენტირებული. გუმბათების საფუძველიც კი, აგურის წყობით ამოყვანილი, რამდენიმე წრიული სარტყელია, ერთმანეთში ჩასმული, რაც საბოლოო ჯამში გადახურვის ერთიან მასივში გადაედინება. ამ ნაგებობაში, ძირითადად გუმბათის ორი ტიპი გამორჩევა, ერთი - რომელსაც ნახევარწრიული ფორმა აქვს და მეორე – რომელის ბოლოებიც ოდნავ გაშლილი და გადრეკილია, შესაბამისად, შედარებით მცირე ზომისაცაა. ცენტრალური შესასვლელი ასევე ჰორიზონტალურად განთავსებული ნახევარცილინდრის ფორმისაა და წინ ლითონის კარი აქვს. შენობის მსგავსი უსწორ-მასწორო ზედაპირი, სინამდვილეში მისი მხატვრული შემკულობის მთავარი ატრიბუტია და ამასთან ზევიდან თითქმის მთელი ნაგებობის გეგმარებითი თავისებურებების სრულად წარმოდგენა-გამოაშკარავების საშუალებას იძლევა. მხატვრულობის თვალსაზრისით, ასევე ძალიან გამორჩეულია, როგორც აგურის წყობა, ასევე მისი დუღაბი. თითოეულ აგურს შორის არსებული დუღაბის ფენის მიერ შემოტანილი ფაქტურული და ფერისმიერი სხვაობა, მიზანმიმართული მხატვრული დატვირთვის მატარებელია.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4330
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: გორგასალი ვახტანგის ქ./3
Period: შუა საუკუნეები _ მე-4 – მე-18 სს.>>გვიანი შუა საუკუნეები _ მე-16-მე-18 სს.
ExactDate: მე-17 საუკუნე
InitialFunction: კომუნალური მეურნეობისა და საყოფაცხოვრებო მომსახურეობის>>აბანო>>აღმოსავლური აბანო;
CurrentFunction: კომუნალური მეურნეობისა და საყოფაცხოვრებო მომსახურეობის>>აბანო>>აღმოსავლური აბანო;
Classification: არქიტექტურის
Accuracy: სწორია
X: 44.81142004
Y: 41.68875564