ID: 3745
ObjectID: 3745
ID: 3745
Name: საცხოვრებელი სახლი
FullName: საცხოვრებელი სახლი
ComplexName:
Description: გეგმაზე რუსული პ-ს ფორმის მსხვილმაშტაბიანი ნაგებობა მთავარი ფასადით მარჯვენა სანაპიროს მხარესაა, ხოლო, უკანა ფასადი ერეკლე II-ის შესახვევისკენ აქვს. ამ მხარეს ფასადი ორსართულიანია. სრულიად სადა და მოურთავ, მეორე სართულზე გამოდის ფანჯრები, ყოველგვარი მოჩარჩოების გარეშე. ერთი კარი და რამდენიმე პატარა ფანჯარაა პირველ სართულზე. გვერდით ფასადზე კედელს ასდევს ხის კიბე, რომელსაც აივანზე ავყავართ. ამ მხარეს დაწყებული აივანი გასდევს სანაპიროსკენ გამავალ ფასადს, მთელ სიგრძეზე. სანაპიროდან ნაგებობა სამ სართულიანია, ამიტომ, ზემოთ ნახსენები აივანი ამ მხრიდან მესამე სართულისაა. მეორე სართულზე აივანი გადმოდის მხოლოდ იმ მონაკვეთში, რომელიც შეწეულია, გვერდითი ფრთები კი ორ სართულზე დატოვებულია სადად, შეულესავი აგურის წყობით. მეორე სართულის აივნის მოაჯირი რიკულებიანია, ხოლო ზედა სართულისა მოხარატებულია განმეორებადი ორნამენტებით. სვეტები ორივე სართულზე მაღალია, წრიული ფორმის, პროფილირებული კაპიტელებით. სვეტებს ეყრდნობა ფრიზი, რომელზეც რიტმულად გამოდის გადახურვის კოჭების პროფილირებული დაბოლოებები. პირველი სართული დაბალია, იქ მოსახვედრად რამდენიმე კიბით ქვემოთ უნდა ჩავიდეთ. ამ სართულზე ერთი კარი და რამდენიმე მცირე, თაღოვანი სარკმელი გამოდის. ზედა სართულის კარ-სარკმლები, განიერია და შემოსდევს პროფილირებული მოჩარჩოება. ოთახები აივნის უკან განლაგებულია ანფილადურად.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4290
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: ერეკლე მეორის შეს./9
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის შუახანი
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 44.80713934
Y: 41.69259956