ID: 3623
ObjectID: 3623
ID: 3623
Name: საცხოვრებელი სახლი
FullName: საცხოვრებელი სახლი
ComplexName:
Description: შენობა ორსართულიანია, ცენტრალური ფასადის მხრიდან გადმოკიდებული, ე.წ. თბილისური აივნით. მთავარი ფასადის პირველი სართული დანაწევრებულია ოთხი ღიობით, აქედან ორი კარია და ორი ფანჯარა. ისინი მონაცვლეობითაა გადანაწილებული. ამასთან, თითოეული ნახევარწრიულ მოჩარჩოების ტიპის არეშია განთავსებული ოდნავ ღრმად და ზედა არეზე ტიმპანის ტიპის მონაკვეთი აბოლოებს, რომელიც განსხვავებული შეფერილობის აგურის მეშვეობით კიდევ უფრო შესამჩნევი და ამასთან მხატვრული დატვირთვის მატარებელი ხდება. სახლს აქვს მაღალი სარდაფის დონის სართული, რომლის ფანჯრების მცირე მონაკვეთები ცენტრალური ფასადის მხრიდან ჩანს კიდეც. აქ არსებული ორი კარიდან, ორივესკენ, კიბის რამდენიმესაფეხურიანი მარშები მიემართება. აქვეა ჩასასვლელი სარდაფის დონის სართულზეც და მისკენაც კიბეები ეშვება, რომელიც ზედა არეზე ისეთივე ლითონის ცხაურითაა გარშემოვლებული, როგორი მოაჯირებიც აქვს ამ ფასადის ყველა სხვა კიბეს. მეორე სართულს სრულად ფარავს განიერი ხის აივანი, რომლის სიღრმეშიც ფანჯრების და კარის შვიდი ჭრილია განთავსებული. ეს არის ვიწრო მართკუთხა ფორმის ღიობები, ზედ ზიგზაგისებური სარტყელით, რაც გამოკვეთილია, როგორც ოდნავ ამობურცული ზედაპირის, ასევე ფერის საშუალებით. ეს დეტალი თითქოს კრავს და ამთლიანებს ზედა სართულის ღიობების რიგს და ამასთან მხატვრულ-დეკორაციული ელემენტის დატვირთვის მქონეა. საგულისხმოა სხვაობა პირველი სართულის ფაქტურულ მახასიათებლებსა და მეორე სართულის ანალოგიურ მაჩვენებლებს შორის. თუ პირველი სართული აგურის წყობის ხიბლის მატარებელია, მეორე სართულს აქვს ნალესობაც და საღებავის ფენაც. მსგავსი კონტრასტი უკვე თავისთავად ქმნის სახასიათო მხატვრულ დეტალს, რაც ნაგებობის ორიგინალურობასა და სპეციფიკურობას კიდევ ერთხელ უსვამს ხაზს. საკუთრივ აივანს - ხის რიკულებიანი მოაჯირი, სადა სვეტები, ასევე სადა წრიული კაპიტელები, ზიგზაგისებური კარნიზის ზოლი და კარნიზის გასწვრივ, მცირე ზომის კრონშტაინები ამშვენებს. სადა და ღიობებით თითქმის დაუნაწევრებელია ნაგებობის გვერდითა ფასადი. აქ მხოლოდ ერთი ფანჯარაა განთავსებული. რაც შეეხება მის მხატვრულ ინტერპრეტაციას - შენარჩუნებულია პირველი სართულის აგურის წყობისმიერი ეფექტი და მეორე სართულის საღებავისფენიანი ნალესობა, რაც თავისთავად მხატვრული ურთიერთდაპირისპირების ხერხია. თუმცა საგულისხმოა, ის დეტალი, რომ მათი ურთიერთგამყოფი ზოლი, არა სწორხაზოვანი, არამედ საფეხურისებურად მზარდია. თუ გავითვალისწინებთ, რომ შენობას ამ მხარეს გვერდიდან კიბეები აუყვება რადგან აღმართი იწყება, მაშინ გასაგები ხდება, რომ ნაგებობის ქვედა ზოლზე არსებული ეს ზიგზაგისებური ხაზი ასე ორიგინალურადაა გადათამაშებული ფასადის ამ დეტალში. უკანა მხრიდან ნაგებობა ერთსართულიანია, აქვს შესასვლელი კარი და სამი ფანჯარა. ამ მხარეს სახურავზე არის ერთი სამერცხლურის ტიპის ფანჯარაც.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4855
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: სამღებროს ქ./21
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასაწყისი
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;
Classification: არქიტექტურის
Accuracy: სწორია
X: 44.80996558
Y: 41.68889888