ID: 3549
ObjectID: 3549
ID: 3549
Name: საცხოვრებელი სახლი
FullName: საცხოვრებელი სახლი
Description: ორსართულიანი საცხოვრებელი სახლი სარდაფით, მთავარი ფასადით აბესაძის ქუჩისკენაა მიმართული, ხოლო ძირითადი კორპუსით სიღრმეში ვითარდება. საფასადე კედლის ძირითადი არე ქვიშისფრადაა დაფერილი. ცოკოლის არეზე სარდაფის ფანჯრების ზედა ნაწილები გამოდის. მშვილდა თაღებით დასრულებული ხუთი ფანჯარა თანაბრად ანაწევრებს პირველი სართულის არეს. მეორე სართულზე სამყურა თაღებით დამშვენებული ხის შუშაბანდია გადმოკიდებული, რომელიც კედელში შესმულ მოდულიონებზეა დაყრდნობილი. თაღები კაპიტელებით დასულებულ მრგვალ სვეტებს ეყრდნობა, რომლებიც თავის მხრივ აივნის ყრუდ შეფიცრულ მოაჯირებს დამოუკიდებელ უჯრედებად ანაწევრებს. მოაჯირის ქვეშ ორმაგი რომბებით აღნიშნული სარტყელი გადის, ხოლო თაღებს ზემოთ პროფილირებული კაპიტელი. სახლის მარჯვენა ფასადი ყრუ კედელს წარმოადგენს. მას მეზობელი სახლი #17 ებჯინება, ხოლო მარცხენა ფასადი გვიანდელი ორსართულიანი ჩაშენების წყალობით ორ დამოუკიდებელ მონაკვეთად იყოფა. თითეულის წინ მცირე ზომის ეზო-ჰოლია მოწყობილი. პირველი ეზოს გარშემო ნაგებობა გეგმაში რუსულ “პ”-ს ქმნის. სახლის ამ მონაკვეთის პირველი სართული კედლებითაა ამოშენებული და ცემენტითაა შელესილი. მეორე სართული კი ხის აივნით იხსნება, რომლისკენაც ხის ორმარშიანი კიბე მიემართება, მარშებს შორის მცირე ზომის კვადრატული აივანია მოწყობილი. მეორე ეზო შედარებით დიდ ფართობს იკავებს, მის გარშემო განთავსებული სახლის მონაკვეთიც გეგმაში რუსულ “პ”-ს ქმნის. პირველი სართული შუშაბანდს წარმოადგენს, რომლის მნიშვნელოვან მონაკვეთსაც დაკარგული აქვს ავთენტურობა. მეორე სართული ღია აივნით იხსნება, რომლისკენაც ხის გადახურული კიბე მიემართება. ავთენტურობა და მხატვრული ღირებულება შენარჩუნებული აქვს მხოლოდ აბესაძის ქუჩისკენ მიმართულ ფასადს, რომელიც არქიტექტურულად ღირებული ელემენტებითაა შემკული.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 3697
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: აბესაძე გიას ქ./19
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: 1886 წ.
InitialFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
Classification: არქიტექტურის
Accuracy: სწორია
X: 44.80387287
Y: 41.69161286