ID: 3494
ObjectID: 3494
ID: 3494
Name: საცხოვრებელი სახლი
FullName: საცხოვრებელი სახლი
ComplexName:
Description: შენობა სამსართულიანია, ირგვლივ ვიწრო ეზო შემოუვლის და აგურით ნაშენი ღობე შემოსაზღვრავს, ამის გამო მისი პირველი სართული, ცენტრალური ფასადის მხრიდან თითქმის არ ჩანს. ნაგებობის ცენტრალური ფასადი ძლიერადაა დატვირთული მხატვრულ-დეკორაციული მოტივებით. შენობას კლასიცისტური ხასიათის ელემენტებიც ამკობს, თუმცა მისი შემკულობის მთავარ ღერძს მაინც ზედაპირის პილასტრების სისტემით ერთიანი დაყოფა-მოწესრიგების პრინციპი ქმნის. პილასტრები სამივე სართულს მთელს სიგრძეზე ჩამოუყვება. სვადასხვა სართულის დონეზე მათი ხასიათი იცვლება. ზედა მესამე სართულზე, მათ კანელურებიანი დაზოლილი სახე, მეორე სართულზე ჰორიზონტალურ მართკუთხედებად დაყოფილი, პირველზე კი სრულიად სადა, მონუმენტური ზედაპირი გამოარჩევთ. მესამე სართულის შემკულობა სავარაუდოდ ყველაზე სრულადაა შემორჩენილი თავდაპირველი სახით და ამასთან ყველაზე ნაკლებადაა შემდგომ სახეცვლილი. აქ მრავლადაა საფასადო დეკორის ელემენტები, იქნება ეს სწორხაზოვანი სანდრიკები და მათ ქვევით უშუალოდ ფანჯრის მოჩარჩოებამდე არსებულ არეში განთავსებული მცენარეული გირლიანდების გამოსახულებები თუ პარაპეტის ზოლზე ასევე შემოწერილ მართკუთხედებში ჩასმული მცენარეული მოტივების რელიეფური გამოსახულებები. ნაგებობის სამივე სართული, ძირითადად, მართკუთხა ფორმის ფანჯრებითაა დანაწევრებული, აქვეა სადარბაზოში შესასვლელი კარებების ღიობებიც, მესამე სართულზე კი განთავსებულია, ორი ლითონის აივანი, გვიანდელი, თუმცა შესაძლოა მანმადე არსებულების ნაცვლად. ნაგებობას ბევრი გვიანდელი მინაშენი აღენიშნება. მათ ძირითადად სათავსო დანიშნულების მცირე ზომის კვადრატების ფორმა აქვთ, სულ ერთია იქნება ეს ეზოში თუ მეორე სართულზე საცხოვრებელი ფართის გადიდების მიზნით არსებული არქიტექტურული წარმონაქმნები. მსგავსი დეტალები ამ შემთხვევაში ნაგებობის იერს მნიშვნელოვნად აზიანებს. შიდა ეზოს მხრიან შენობას ძირითადად შემინული შუშაბანდების სახე აქვს. მას ამ მხრიდან სართულიც აქვს დამატებული და შესაბამისად მისი ერთი მონაკვეთი ეზოს მხრიდან ოთხსართულიანიცაა.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4322
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: გორგასალი ვახტანგის III შეს./1
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასასრული
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 44.80184396
Y: 41.6879255