ID: 3328
ObjectID: 3328
ID: 3328
Name: საცხოვრებელი სახლი
FullName: საცხოვრებელი სახლი
ComplexName:
Description: სახლი ორსართულიანია, თუმცა ქვედა, პირველი სართული ნახევრად სარდაფია და სარკმლებიც პირდაპირ ქუჩის ძირიდან იწყება. სახლი ნაგებია აგურით და დეკორატიულად არის შელესილი. ნაგებობა ერთი კედლით გვერდით მდგომ სახლს ებჯინება, მეორე, საპირისპირო კედელი კი თავისუფალია და ქუჩიდან აღმავალ, პატარა აღმართზე გადის. ეს კედელი უმკობია, დეკორატიულად მხოლოდ ქუჩისკენ მზირალი, მთავარი ფასადია გაფორმებული, ისიც მხოლოდ მისი ზედა, სრული სართული. ფასადი სულ ახლახანს თავიდან შეულესავთ და შეუღებიათ, თუმცა დეკორი ხელუხლებლად არის შემონახული. ფასადი მკაცრად სიმეტრიულია, ცენტრში ეზოში შემავალი ჭიშკარი ორივე სართულის სიმაღლეზეა გაჭრილი. ჭიშკრის ორსავ მხარეს თითო სადარბაზოში შემავალი კარია, ისინიც იგივე სიმაღლისაა. სამი კარის ორსავ მხარეს ფართო და მაღალი მართკუთხა სარკმლებია გაჭრილი – სამ-სამი ორსავ მხარეს. პირველ და მეორე სართულს პროფილირებული სარტყელი ჰყოფს ერთმანეთისგან. მეორე სართულის დონეზე კიდეებსა და სამივე კარის ორსავ მხარეს კანელურებიანი ნახევარსვეტები აუყვება ფასადს. პილასტრები კორინთული სვეტისთავებით არის განსრულებული. კედლები ჰორიზონტალური, ოდნავ ჩაკვეთილი ხაზებით არის დაღარული. სარკმლებს პროფილირებული, მცენარეული ორნამენტებიანი სანდრიკები ადგას, ჰორიზონტალური პროფილირებული თავსართებით. თავსართების ზემოდან მართკუთხა ფორმის ჰორელიეფებია, თითოეულში კი რქიანი მასკარონები და მცენარეული მოტივებია გამოსახული. ჭიშკრის საჭექში ლომის ჰორელიეფური გამოსახულებაა, სადარბაზოთა ღიობების საჭექებს კი ქალის რელიეფური თავები ამკობს. სახლს პროფილიებული ლავგარდანი აქვს, რომლის ქვემოთ კბილანა სარტყელი მიუყვება ფასადს, ლავგარდანიდან სარკმლებმდე კი, რამდენიმე ადგილზე, რელიეფური სტალაქტიტებია გამოსახული. ნაგებობას ჰორიზონტალურად ჩაკვეთილი მართკუთხედებით გაფორმებული დეკორირებული პარაპეტი განასრულებს. აღსანიშნავია ავთენტურად შემონახული ორივე ხის კარი, რომელთაც თავზე ორფერდა ლითონის ჭვირული გადახურვა ადგას. სახლს აქვს ეზო, სადაც მეორე სართულის დონეზე, ძველი შუშაბანდია შემონახული. შუშაბანდს ძველებურივე, დეკორატიული დენტიკულები და კუთხეებში ჭვირული, ხის არშიები შემოუნახავს. სახლი XX საუკუნი დასაწყისს განეკუთვნება, აქვს საშუალო მხატვრული ღირებულება.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 5418
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: ჯორბენაძის ქ./24
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასასრული
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 44.81520067
Y: 41.6901296