ID: 3239
ObjectID: 3239
ID: 3239
Name: შერეული ფუნქციის ნაგებობა
FullName: შერეული ფუნქციის ნაგებობა
ComplexName:
Description: შენობა სამსართულიანია, რომლის ორი სართული აგურით არის ნაგები, ხოლო მესამე რკ-ბეტონის კარკასი _ წვრილი სამშენებლო ბლოკით. შენობა დავით აღმაშენებლის გამზირზე მთავარი ფასადით გადის. მის გეგმას ლათინური ასო U-ის ფორმა აქვს. ფასადს ცენტრალურ ნაწილში რიზალიტი აქვს, რომელიც სამივე სართულს მოიცავს. მის I სართულზე შენობაში შესასვლელია მოწყობილი. კარის წინ შეწყვილებული კორინთულკაპიტელიანი სვეტებია აღმართული (რომელიც საფასადო სიბრტყიდან კიდევ უფრო წინ გამოდის), რომელზეც დიდი ვერანდაა დაყრდნობილი, მას ბალიუსტრებიანი მოაჯირი აქვს. ამ კომპოზიციურ ღერძზე ერთმანეთის თავზეა განთავსებული II სართულის დიდი ღიობი-კარი და III სართულზე დიდი თაღოვანი ფანჯარა. რიზალიტის გვერდებს, თითოეულს ორ ნაწილად ჰყოფს სამ-სამი კორინთულკაპიტელიანი პილასტრი, რომლებიც ორ სართულს აერთიანებს. რიზალიტს აგვირგვინებს დეკორირებული ფრიზი, პროფილირებული კარნიზი და მაღალი პარაპეტი. ეს უკანასკნელი შუაში შემაღლებულია თაღოვნად და გვირგვინდება სტელათი, რომელსაც ორივე მხარეს, პილასტრების ღერძულა ხაზზე დეკორატიული ლარნაკები აქვს. რიზალიტის ღიობები სადადაა დამუშავებული და თავზე ლომის თავის გამოსახულებიანი სომები ამკობს. ფასადის გვერდითი ნაწილები იდენტურადაა დანაწევრებული ღიობების რიტმით. მათ პროფილირებული საპირეები და თავზე დეკორატიულ კრონშტეინებზე დაყრდნობილი კარნიზები ამკობს. მთელი საფასადო სობრტყე რუსტურებულია (მოსაპირკეთებელი ფილებით), მხოლოდ განაპირა ნაწილების II და III სართულების ფანჯრების მიმდებარე სიბრტყეებია გლუვი. მთავარ ფასადს აბოლოებს დეკორირებული ფრიზი, პროფილირებული კარნიზი და მაღალი პარაპეტი. მიუხედავად იმისა, რომ შენობის მთავარ ფასადს ძველი იერ-სახის აღარაფერი აქვს შერჩენილი, ის მომიჯნავე განაშენიანების შემადგენელი ნაწილია და აღმაშენებლის გამზირისთვის მნიშვნელოვანია.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4175
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: აღმაშენებელი დავითის გამზ./150
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 საუკუნის დასაწყისი
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: სავაჭრო;ფუნქციის გარეშე;
Classification: არქიტექტურის
Accuracy: სწორია
X: 44.7912938
Y: 41.71732698