ID: 3119
ObjectID: 3119
ID: 3119
Name: საცხოვრებელი სახლი
FullName: საცხოვრებელი სახლი
ComplexName:
Description: ქუჩის მიმყოლად განლაგებული ორსართულიანი საცხოვრებელი სახლის ფასადი ხუროთმოძღვრული ელემენტებით სადად არის შემკული. ფასადი ასიმეტრიულია. მასზე მოთავსებულია ორი, თანაბარი ზომის აივანი. მათგან ერთ-ერთი შუშაბანდად არის გადაკეთებული, სხვა ორი კი ჭვირული მოაჯირით არის შემოსაზღვრული და ჩუქურთმები ამკობს. პირველ სართულზე მოქცეული დაბალ თაღოვან მოხაზულობაში გაჭრილი და მეორე სართულზე, აივნებს შორის განლაგებული სარკმლები ხუროთმოძღვრული სამკაულით შეუმკობელია. პირველ სართულზე მათ ქვეშ სარდაფის მცირე ზომის ფანჯრებია დატანილი. ეზოში შესასვლელი სწორკუთხა გვირაბი შენობის შუა მონაკვეთსია გაჭრილი. ეზოს თავდაპირველი სურათი გვიანი ჩარევების შედეგად სახეცვლილია. მას დაბალი, ერთ სართულიანი დამატებითი ნაგებობა ერთვის. ნაგებობას ხის ჭვირული მოაჯირით გაფორმებული შუშაბანდები შემოუყვება, რომელთა პირველი სართულები უმეტესად გადაკეთებულია. მეორე სართულს ეზოსთან სახლის სხვადასხვა მხარეს მოწყობილი სამი ხის გადახურული კიბე აკავშირებს. ერთ-ერთი მათგანი აივნების ანალოგიური ჭვირული მოაჯირით არის შემოსაზღვრული. ეზოს მხრიდან შენობას დამატებითი მცირემასშტაბიანი საცხოვრებელი სივრცეები ერთვის. აღწერილი ნაგებობა ტრადიციული თბილისური სახლის იერის მატარებელია და ის ქუჩის სილუეტისა და ერთიანი სურათის განსაზღვრაში მნიშვნელოვან როლს თამაშობს.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4271
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: დოლიძე გოგის ქ./19
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 საუკუნის დასაწყისი
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 44.80103109
Y: 41.71611949