ID: 3111
ObjectID: 3111
ID: 3111
Name: საცხოვრებელი სახლი
FullName: საცხოვრებელი სახლი
ComplexName:
Description: ორსართულიანი საცხოვრებელი სახლი აგებულია მე-19 საუკუნის ბოლოს და მე-20 საუკუნის დასაწყისში. ნაგებობა ატარებს მოდერნისა და რენესანსის სტილის ნიშნებს. სამშენებლო მასალად გამოყენებულია აგური და დაფარულია დეკორატიული ნალესობით. მთავარი ფასადი მკაცრად სიმეტრიული, გაწონასწორებული კომპოზიციით გამოირჩევა, რასაც ხაზს უსვამს სამი რიზალიტი (ფასადის ცენტრში და მის განაპირა გვერდებზე) და დეკორატიული პარაპეტის გადაწყვეტა. ნაგებობის პირველი სართული რუსტირებულია და შემკულია საფასადო ნაძერწობით. სარკმლების სადა საპირეებს ასრულებს ქალის სახის გამოსახულებები. სადარბაზოს თაღოვანი, ცენტრაული შესასვლელი გამოყოფილია კანელურებიანი, ბრტყელი პილასტრებით. შენობის მეორე სართულის სარკმლების შესამკობლად გამოყენებულია ნახევარწრიული ფრონტონები და მოდერნის სტილისთვის დამახასიათებელი მცენარეული ორნამენტი, რომელშიც ჩასმულია გრიფონების გამოსახულებები. სადარბაზოს ხის კარი შემკულია ორნამენტებითა და ჭედური ცხაურით, რომელიც განსხვავდება მეორე სართულზე არსებული ჭედური აივნების ორნამენტული მოტივისაგან. ხალვათი შიდა ეზოს საერთო სივრცით - გეგმარებითი სტრუქტურა, სახასიათოა თბილისური ეზოებისთვის. აქ მთავარ აქცენტს ქმნის ხის ჭვირული მოაჯირები და შუშაბანდები. უხეში ჩარევების მიუხედავად, ეზოს ფასადის ავთენტური სახის აღდგენა, ჯერ კიდევ შესაძლებელია. საცხოვრებელი სახლის მდგომარეობა ცუდია. მთავარ ფასადზე შეინიშნება ბზარები და ჩამოყრილია დეკორატიული ნალესობა.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 5307
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: ჭავჭავაძე ზურაბის ქ./4
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასაწყისი
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;სავაჭრო;
Classification: არქიტექტურის
Accuracy: სწორია
X: 44.79682042
Y: 41.71183553