ID: 3065
ObjectID: 3065
ID: 3065
Name: საცხოვრებელი სახლი
FullName: საცხოვრებელი სახლი
ComplexName:
Description: აღნიშნულ მისამართზე განთავსებული სახლი ორსართულიანია და საერთო განაშენიანებაშია ჩართული. იგი აგებულია ე.წ. "ნიკოლოზის აგურით" და გეგმაში ლათინურ "ლ"-ს წარმოადგენს. ი. ჯავახიშვილის ქუჩაზე გამავალი მთავარი, შელესილი და შეღებილი, ასიმეტრიული ფასადი გრძივად მიუყვება ქუჩას, შუაში ის საკმაოდ შვერილი რიზალიტით ნაწევრდება. რიზალიტში პირველი სართულის დონეზე მთავარი სადარბაზოს თაღოვანი ღიობია მოცემული. ფასადის დანარჩენი ღიობები კი სწორკუთხაა. პირველი სართული ცოკოლით არის ამაღლებული და ჰორიზონტალური ხაზებითაა დასერილი (მარჯვენა მონაკვეთი შელესილია და მასზე მხოლოდ შუაკედლისებზეა შერჩენილი ჰორიზონტალური ხაზები, დანარჩენი მონაკვეთები გლუვია). აღნიშნული მონაკვეთის სამი ღიობიდან მარცხენა კარისაა და წინიდან ორსაფეხურიანი კიბე აქვს მიდგმული (კარი ახალი გაჭრილია). სადარბაზოს კარსა და მარცხენა ნაწილის სამ ფანჯარას ზემოდან გლუვი "საჭექი ქვები" აქვს დასმული. პირველი სართული მოყვითალო ფერისაა და ჰორიზონტალური სარტყელით სრულდება. მეორე სართულის სწორკუთხა ღიობებს სამი მხრიდან ვიწრო, პროფილირებული არშიები ევლება, ქვედა მხრიდან კი ფასადზე გავლებული სამსაფეხურიანი სარტყელი აჩარჩოებს. ფანჯრის ღიობთა ჩამოსწვრივ სწორკუთხა შვერილებია (ისინი მარჯვენა ნაწილში აღარ არსებობს, დაზიანების გამო, აღნიშნული მონაკვეთი შელესეს), რომლებიც სართულებს შორის გამყოფ და ღიობთა ქვემოთ გავლებულ სარტყლებს შორისაა მოქცეული. მეორე სართულზე, მარცხნიდან მეორე ღიობი კარისაა. მას მიდგმული აქვს ლითონის აჟურულმოაჯირიანი, გეგმით სწორკუთხა აივანი. მეორე სართულის ღიობთა თავზე მოთავსებულია ორდონიანი შვერილი თაროები, რომელთაგან ზედა ერწყმის ფასადის ვიწრო კარნიზს. უკანასკნელის თავზე გლუვი ფრიზია, მის თავზე კი საკმაოდ შვერილი კარნიზია გავლებული. რიზალიტის შვერილი გვერდებში ფლანკირებულია პილასტრებით (პილასტრები პირველ სართულზე რუსტების მწკრივით იქმნება, მეორე სართულზე კი გლუვია) ზემოდან კი დამატებული აქვს გლუვი პარაპეტი. შენობა თუნუქით არის გადახურული. ეზოს მხარეს ოდესღაც, ღია აივნები იყო, ამჟამად, მათი უმრავლესობა ამოშენებულია, ან შემინული, ზოგ მონაკვეთში კი მინაშენებია გაკეთებული. სახლი აგებული უნდა იყოს XIX საუკუნის მიწურულში. მისი მთავარი ფასადი ნეოკლასიცისტური სტილისაა.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 5384
CategoryName: ეროვნული
CategoryDocDate: 2006-11-07
CategoryDocNumber: 665
Country: საქართველო
Region: თბილისი
Municipality: თბილისი
Settlement: თბილისი
Address: ჯავახიშვილი ივანეს ქ./69
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 ს-ის დასასრული.
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
CurrentFunction: ფუნქციის გარეშე;საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
Classification: არქიტექტურის
Accuracy: სწორია
X: 44.80048078
Y: 41.71154811