ID: 3053
ObjectID: 3053
ID: 3053
Name: საცხოვრებელი სახლი
FullName: საცხოვრებელი სახლი
ComplexName:
Description: საცხოვრებელი სახლი მარჯანიშვილის გამზ. #18-ში მდებარეობს. ნაგებობა სამსართულიანია. კ. მარჯანიშვილის ქუჩაზე გამავალი მთავარი ფასადი 2009-2011 წლებში სარეაბილიტაციო სამუშაოების დროს ნაწილობრივ შეიცვალა. პირველი სართული საგრძნობლად შეიწია, საფეხმავლო გვირაბის გაკეთების მიზნით. ამიტომ პირველი სართულის ფასადი მთლიანად გადაკეთებულია. რაც შეეხება ზედა სართულებს აქ იგივე კომპოზიციაა შენარჩუნებული. ფასადი სიმეტრიულადაა დანაწევრებული ღიობთა რიგებით და ასევე სიმეტრიულადაა განაწილებული ოთხი რკინის აივანი. შენობა პარაპეტით არის ამაღლებული დაახლოებით 50 სმ-ით. შენობის დეკორი, როგორც კლასიციზმის ასევე მოდერნის სტილის ნიშნებს ატარებს. მეორე სართულზე რუსტირებულ, ხოლო მესამე სართულზე კორინთულ კაპიტელიან პილასტრებს ვხვდებით. სართულებს შორის, მესამე სართულის თითოეული ღიობის ქვეშ სწორკუთხა ფორმის მცენარეული მოტივით შესრულებული ორნამენტებია განთავსებული. თითოეული ღიობის ცენტრალურ ნაწილში, ასევე განთავსებულია დეკორი. ეზოს მხარეს, თბილისური ეზოებისათვის დამახასიათებელ შუშაბანდს ვხვდებით. ერთი მონაკვეთში შემონახულია ღია აივნის ნაწილი, სადაც ვარსკვლავებითა და სხვა ორნამენტებით გაფორმებულ სვეტის თავებს ვხვდებით. ამავე ნაწილშია შემორჩენილი მოაჯირიც. აღსანიშნავია სადარბაზო, მისი ქვის კიბე და რკინის მოაჯირი და იატაკი, რომელიც შავი, წითელი და თეთრი ფილებითაა მოპირკეთებული. სამშენებლო მასალად გამოყენებულია აგური. შენობის ერთი მონაკვეთზე, ეზოს მხრიდან არის მიშენება (ლოჯის ტიპის), რომელიც სრულიად შეუსაბამოა ამ ნაგებობის არქიტექტურისთვის. ეზოს მხარეს არსებული ფასადის პირველი სართული შელესილია ცემენტით და სხვადასხვა გაყვანილობის მილებითაა დატვირთული.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4607
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: მარჯანიშვილი კოტეს ქ./18
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 საუკუნის დასასრული
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;სავაჭრო;
Classification: არქიტექტურის
Accuracy: სწორია
X: 44.79629303
Y: 41.70933311