ID: 3033
ObjectID: 3033
ID: 3033
Name: საცხოვრებელი სახლი
FullName: საცხოვრებელი სახლი
ComplexName:
Description: საცხოვრებელი სახლი მდებარეობს აღმაშენებლის გამზ-ის სიღრმეში ჩიხში. მას და მის წინ მდებარე სახლის წინ ლითონის დაბალი მესერით შემოსაზღვრული ბაღია შუაში შადრევნით. სახლის გეგმას ლათინური ასო U-ს კონფიგურაცია აქვს. შენობა სამსართულიანია, სარდაფით და აგურით არის ნაშენი. იგი გამოირჩევა ფასადების დამუშავების ტექნიკითა და გეგმარებითი გადაწყვეტით. სახლის ფასადები I სართულზე დამუშავებულია ზოლოვანი ხაოიანი რუსტიკით. II და III სართულის საფასადო სიბრტყე გლუვად ნალესია. შენობის I და III სართულის ღიობები მართკუთხაა. III სართულის ღიობებს პროფილირებული საპირეები აქვს დეკორატიული სომებით. II სართულის ღიობები თაღოვანია და გაფორმებულია საპირეებით და საჭექი ქვებით. ღიობებშორისი სიბრტყეები II და III სართულზე გაფორმებულია კანელურებიანი, სტილიზებული კორინთულკაპიტელიანი პილასტრებით. ფასადებს აგვირგვინებს პროფილირებული კარნიზი (მის ძირს დეკორატიული მოდულიონების რიგით) და პარაპეტი, რომლის ნაწილებია შემორჩენილი. სავარაუდოდ, ლითონის ჩანართები, უკვე აღარ არსებობს. ამავა ფასადზეა სადარბაზოს ხის, ორფრთიანი კარი, რომელც გაფორმებულია პროფილირებული დეტალებითა და ამოტვიფრული დეკორით. სადარბაზო მდიდრულად არის დეკორირებული სკულპტურული ელემენტებით. იატაკი და ორმარშიანი კიბის საფეხურები მოზაიკურია. ყურადღებას იპყრობს კიბის მოაჯირის დასაწყისში არსებული, მაღალმხატვრული ღირებულების მქონე, ჭედური კანდელაბრი და ასევე ჭედური მოაჯირი. სახლის ეზოში ჩიხიდან ვხვდებით, რომელიც გახსნილია. ეზოს ფასადები ხის შუშაბანდებითაა შემოსილი, რომელიც მოსახლეობის მიერაა სახეცვლილი. მათ სვეტებზე შემორჩენილია პროფილირებული თავსართები. ვიზუალური დათვალიერების შედეგად შეიძლება დაბეჯითებით ითქვას, რომ სახლის კონსტრუქცია დამაკმაყოფილებელ მდგომარეობაშია, თუმცა კომუნიკაციების გაუმართაობის და დაუდევრობის გამო, შესაძლოა, მომიჯნავე სახლების ბედი გაიზიაროს. სარდაფის ღიობები და ჩასასვლელები დაუცველია ზედაპირული წყლებისგან. სარდაფში პერმანენტულად დგება წყალი და მოსახლეობა ტუმბავს მას, რამაც გამოიწვია საძირკვლის ჯდენა. სახლის კუთხეებზე მკაფიოდ ჩანს დიაგონალური და ვერტიკალური ბზარები. გაუმართავია სახურავის წყალამრიდი სისტემაც. სავალალო მდგომარეობაშია სადარბაზოების უნიკალური მოხატულობაც. აღწერილი სახლი თავისი მასშტაბით, ზომიერი მორთულობით და მხატვრულ-არქიტექტურული გადაწვეტით, მნიშვნელოვან როლს თამაშობს დავით აღმაშენებლის პროსპექტის მხატვრულ-ისტორიული და არქიტექტურულ-გეგმარებითი სახის შექმნაში.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4135
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: აღმაშენებელი დავითის გამზ./111
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასასრული
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;
Classification: არქიტექტურის
Accuracy: სწორია
X: 44.79643589
Y: 41.71292634