ID: 2871
ObjectID: 2871
ID: 2871
Name: საცხოვრებელი სახლი
FullName: საცხოვრებელი სახლი
ComplexName:
Description: ორსართულიანი აგურით ნაშენი და შებათქაშებული საცხოვრებელი სახლი ორი ქუჩის გადაკვეთაზე დგას და მათ შემაკავშირებელ არქიტექტურულ რგოლს წარმოადგენს. რუსული "П"-ს გეგმის მქონე ნაგებობა მე-20 საუკუნის დასაწყისს მიეკუთვნება. შენობის პირველი სართული რუსტირებულია. ფასადი თანაბარი მანძილით დაშორებული სარკმლების, აივნებზე გამავალი კარების, ეზოში შესასვლელი ღიობითა და სადარბაზოს კარითაა დანაწევრებული. სარკმლები სწორკუთხა მოხაზულობისაა, პროფილირებული საპირის მქონე. შენობას სამი აივანი აქვს. ერთი ქურდიანის ქუჩის მხრიდან, ერთ წინამძღვრიშვილის ქუჩის მხრიდან, სადარბაზოს კარის თავზემოთ და ერთიც, დიდი და დაწახნაგებული ფორმის, ამ ორი ქუჩის გადაკვეთის ადგილას. სამივე მათგანის ლითონის მოაჯირი აღნიშვნას იმსახურებს. სადარბაზოში შემორჩენილია ხის ძველი კიბე რიკულებიანი მოაჯირით. ეზოში შესასვლელი ქურდიანის მხრიდანაა. შესასვლელის თაღის თავზე ნახევაროთახია ცხაურით მოსაზღვრული. თავდაპირველი ხის შუშაბანდის დიდი წილი მოგვიანებითაა გადაკეთებული, შელესილი და შეღებილი. თუმცა შემორჩა ხის ისეთი ელემენტები, როგორიცაა კრონშტაინი, ორნამენტული კვეთით გამორჩეული მოაჯირი, კარნიზი. ასევე, აღსანიშნავია ლითონის კიბე. ნაგებობის ფიზიკური მდგომარეობა საშუალოა. შეინიშნება მცირე ბზარები, ნაგებობა საჭიროებს ფასადის რესტავრაციას ავთენტურობის სრული აღდგენის მიზნით. საცხოვრებელი სახლი მნიშვნელოვან როლს თამაშობს მიმდებარე ტერიტორიის ურბანულ ქსოვილში.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 5263
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: წინამძღვრიშვილი მიხეილის ქ./34.ქურდიანი ზაქარიას ქ./24
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 საუკუნის დასაწყისი
DateRangeFrom:
DateRangeTo:
InitialFunction: საცხოვრისი>>ქალაქური>>1900-1921 წწ. ქალაქური საცხოვრისი;საცხოვრისი>>ქალაქური;
CurrentFunction: საცხოვრისი>>ქალაქური>>1900-1921 წწ. ქალაქური საცხოვრისი;საცხოვრისი>>ქალაქური;
Classification: არქიტექტურის
Accuracy: სწორია
X: 44.80397513
Y: 41.70477046