ID: 2800
ObjectID: 2800
ID: 2800
Name: საცხოვრებელი სახლი
FullName: საცხოვრებელი სახლი
ComplexName:
Description: XX საუკუნის დასაწყისში აგებული ორსართულიანი შენობა ი. ჯავახიშვილის მოედანს გადმოჰყურებს. შენობის საფასადე იერსახე არქიტექტურული მოდერნის სრული გათვალისწინებით არის გადაწყვეტილი: ასიმეტრიული კონფიგურაცია, ტალღოვანი კარნიზის ხაზი, სხვადასხვა ზომისა და მოცულობის სარკმლები, მრავალწახნაგა აჟურული რკინის აივნები, სარკმლების სანდრიკებზე და რიზალიტებზე თავმოყრილი საფასადო ნაძერწი პლასტიკა მოდერნის სახისმეტყველებისთვის ქრესტომათიული ყვავილების მოტივებზე შექმნილი კომპოზიციებითა და თმაგაშლილი ქალის სკუპტურული სახეებით იმკობა. შენობაზე ბოლო წლების განმავლობაში სარესტავრაციო სამუშაოები ჩატარდა, განახლდა სახურავი და ფასადები, გამოიცვალა კარ-სარკმლის ალათები, რაც შენობის ერთ-ერთი ავთენტური დანაკარგია. გეგმარებით ხაზოვანი შენობის საფასადო კომპოზიცია კიდურა რიზალიტურ შვერილებს და მათში განთავსებულ შესასვლელებს, სადარბაზო კარსა და ეზოს ჭიშკარს, მოიცავს; პირველი სართული მაღალ ვიტრინებს ეთმობა, მეორე სართულზე კი სამი, რკინის მოაჯირიანი ღია აივანია შეკიდული; მეორე სართულის ღიობები მდიდრული ნაძერწი რელიეფებითა და სკუპლტურული თავებით იქცევს ყურადღებას; შენობას პროფილირებული, ასიმეტრიულად აზნექილი კარნიზი და მაღალი, რიზალიტურ დანაყოფებს შესაბამებული პარაპეტი აგვირგვინებს. შენობა შიდა ეზოს უკან, ჩრდილოეთით მიდგმული მეორე სახლთან ერთად ინაწილებს. მომცრო ეზოზე გამოსული ფასადის პირვანდელი სახე - ხის კონსტრუქციებზე ამოყვანილი ღია აივნები და შუშაბანდები - აღარ არსებობს, ის მთლიანად ამოშენებული-გაფართოებულია. მოედნის ისტორიულ-მხატვრული მთლიანობის დაცვის მიზნით, აუცილებელია შენობის ფიზიკური შენარჩუნება და მისი საფასადო მხატვრული გადაწყვეტის დაცვა.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 5353
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: ჯავახიშვილი ივანეს ქ./1
Period: ახალი და უახლესი ისტორია _ მე-19-21-ე სს.>>უახლესი ისტორია _ მე-20-21-ე სს
ExactDate: მე-20 საუკუნის დასაწყისი
DateRangeFrom:
DateRangeTo:
InitialFunction: საცხოვრისი>>ქალაქური;
CurrentFunction: საცხოვრისი>>ქალაქური;
Classification: არქიტექტურის
Accuracy: სწორია
X: 44.80701626
Y: 41.70308826