ID: 2776
ObjectID: 2776
ID: 2776
Name: საცხოვრებელი სახლი
FullName: საცხოვრებელი სახლი
ComplexName:
Description: ძველი აგურით ნაშენი ორსართულიანი საცხოვრებელი სახლი მე-19 საუკუნეს მიუკუთვნება. ორი ქუჩის შესაყარზე მდგომი ნაგებობა აგურითაა ნაშენი, შელესილი და შეღებილია. მის მხატვრულ გაფორმებაში კლასიციზმისა და ამპირის ელემენტები გამოიყენება. შენობის დავით აღმაშენებლის გამზირისკენ მიმართული ფასადის პირველი სართული მაღაზიების ვიტრინებითაა სახეცვლილი. ნაწილობრივ შენარჩუნებულია რუსტირება. ამავე მხარეს ცენტრალური სადარბაზოა პარადული შესასვლელით. სადარბაზოს კარის ღიობს თაღოვანი საპირე შემოუყვება, რომელსაც სანდრიკი ამკობს. კარის გვერდით შუქფარანია. ინტერიერში შემორჩენილია მარმარილოს იატაკი, წითელი, შავი და თეთრი ფერის ფილებით შექმნილი ჭადრაკული ორნამეტით, მარმარილოსავე კიბეები და ორნამენტული ლითონის მოაჯირი. ეს შესასვლელი ფასადზე, მის ზემოთ მეორე და მესამე სართულზე აივნების განთავსებით და ატიკითაც გამოიყოფა. ამასთან, ვერტიკალურ ღერძს კიდევ უფრო ამძაფრებს ორივე სართულის შემაერთებელი პილასტრები. ნაგებობას კიევის ქუჩიდან კიდევ ერთი სადარბაზო აქვს ხის ძველი კარითა და ლითონის ცხაურით, თუმცა მისი ინტერიერი საცხოვრებელ ფართსაა მიერთებული და ავთენტურობა დაკარგული აქვს. მომდევნო ორ სართულზე შენობის კედლები სარკმელების თანაბარზომიერი განლაგებითაა დანაწევრებული. მათ მამკობად გამოყენებლია იმპოსტი, მშვილდისებრი ან სამკუთხა ფრონტონი, მცენარეული ორნამენტით შემკული კრონშტაინები. კომპოზიცია სრულდება კარნიზითა და პარაპეტით. ეზოს მხრიდან ნაგებობას შელესილი ფლიგელი აქვს. უფრო ღრმად, ფასადზე შენარჩუნებული ხის გალერეა სვეტებით, ორნამენტული მოაჯირითი და ხის კრონშტაინების მწკრივით. შენობას აქვს სარდაფი, რომელიც დღეს უფუნქციო და დახშულია. ნაგებობის ფიზიკური მდგომარეობა მძიმეა. ფასადზე მრავალრიცხოვანი ბზარები და ნაპრალები შეინიშნება; კიევი ქუჩის მხრიდან მთელს სიმაღლეზე მიუყვება ვერტიკალური ბზარი. ნაგებობა დომინანტს წარმოადგენს მიმდებარე ურბანულ ქსოვილში და დიდი მნიშვნელობის მქონეა ქალაქის ისტორიულ-არქიტექტურულ გააშენიანებაში, იგი სასწრაფოდ საჭიროებს რესტავრაციას.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 4483
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: კიევის ქ./1.აღმაშენებელი დავითის გამზ./55
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 ს-ის მეორე ნახევარი.
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
CurrentFunction: ფუნქციის გარეშე;საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
Classification: არქიტექტურის
Accuracy: სწორია
X: 44.80045102
Y: 41.705832