ID: 2712
ObjectID: 2712
ID: 2712
Name: საცხოვრებელი სახლი
FullName: საცხოვრებელი სახლი
Description: განივი, მართკუთხა ფორმის შენობის სამშენებლო მასალად გამოყენებულია აგური. ნაგებობა შეფენილია ფერდობზე, რის გამოც, მისი პირველი სართულის სიმაღლე ქუჩის აღმართის მიმართულებით მცირდება. ნაგებობის სართულების რაოდენობა ორია. ერთ მხარეს მას შენობა ებჯინება, ხოლო მეორე, ზედა მხარეს ეზოში შესასვლელი ჭიშკარია. ძეგლის გვერდითი ფასადი სადა და ყოველგვარ მხატვრულ ღირებულებას მოკლებულია. რაც შეეხება მის უკანა ნაწილს, ის ძლიერადაა სახეცვლილი, მრავალგზისმა სარემონტო სამუშაოებმა მას მთლიანად დაუკარგა თავდაპირველი სახე. ძეგლის მთავარ, მხატვრულ და დასაცავ-შესანარჩუნებელ ფასეულობას გარდუვალად, მთავარი, ცენტრალური, ფასადი წარმოადგენს. ნაგებობის ორი სართულიდანაც მხატვრულ-სტილისტურად ღირსშესანიშნავია მეორე სართული. მისი პირველი სართული სადადაა მოპირკეთებული. მოცემულია პირველ სართულზე შესასვლელი კარი, მის ორსავ მხარეს კი, ნაწილდება სარკმლების რიგი. კარისა და ფანჯრების მოხაზულობა სადა და მარტივია, ყოველგვარი დეკორის გარეშე - მართკუთხა მოხაზულობა, რკალური მოჩარჩოებით ზედა მხარეს. ძეგლის უმნიშვნელოვანეს ნაწილს ზედა, მეორე სართული წარმოადგენს, სადაც მოცემულია ხის აივანი ჭვირული მოაჯირებით, აივნის დეკორირებული სვეტები, ასეთივე დეკორირებული გადახურვის ნაწილითა და თავად კედლების დამუშავებით. ხის აივნის გაფორმებაში გამოყენებულია სხვადასხვა სახის ორნამენტული მოტივი. მართკუთხა ფორმის აივნის სვეტებს მარტივი ფორმის კაპიტელები ასრულებს, ხოლო ზემოთ მათ კარნიზამდე დეკორაციული ელემენტები მიუყვება. აივნის კარნიზი ასევე მორთულია და მასზე გამოყვანილი დეტალები აივნის ქვედა ნაწილებში მოცემულ, დეკორაციულ ელემენტებს ეხმიანება. შენობას არ აქვს სარდაფი, შიდა ეზო კი იმდენადაა გადაკეთებულ-შეცვლილი, რომ რაიმე მხატვრული ღირებულება აღარ გააჩნია. მასში შემორჩენილია რამდენიმე ძველი შენობის არათანადროული ნაგებობაც, თუმცა, ისინიც ძლიერ დაზიანებულია და რაიმე მხატვრული ღირებულების მატარებელი არაა.
StatusName: კულტურული მემკვიდრეობის ძეგლი
StatusDocDate: 2007-10-01
StatusDocNumber: 3/181
RegistryN: 3865
CategoryName: ობიექტი/ძეგლი კატეგორიის გარეშე
Country: საქართველო
Region: თბილისი
Municipality: თბილისი
Settlement: თბილისი
Address: ახვლედიანი ელენეს აღმ./10
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე-19 საუკუნის დასასრული
InitialFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის მე-2 ნახევარი ქალაქური საცხოვრისი;
Classification: არქიტექტურის
Accuracy: სწორია
X: 44.81018168
Y: 41.69770812