ID: 137
ObjectID: 137
ID: 137
Name: საცხოვრებელი სახლი
FullName: საცხოვრებელი სახლი
Description: კიკვიძის ქუჩაზე მდებარე ორსართულიანი სახლი აგებულია აგურისა და ქვისაგან. სახლი ძალზე მძიმე მდგომარეობაშია. შენობა გადახურულია კრამიტით, რომლის სახურავი შესაძლოა ნებისმიერ დროს ჩამოიქცეს. მართკუთხა გეგმარების სახლი, თავისი ვიწრო, აგურის ფასადით, ქუჩის მხარეს გადის. ის, აღნიშნულ მხარეს, ცოკოლზე მდგარ ერთსართულიან შენობას წარმოადგენს, ხოლო ეზოს მხრიდან ორსართულიანია. ქუჩის ფასადები ყურადღებას იქცევს თავისი დეკორატიული გადაწყვეტით. ცოკოლის სართულზე გამოყენებულია რიყის ქვისა და აგურის მონაცვლეობითი წყობა, რაც ფასადებს აცოცხლებს და მრავალფეროვანს ხდის. სარკმლეთა მოხაზულობა, ისევე როგორც მათი შემომსაზღვრელი თაღები, ნახევარწრიული ფორმისაა. სახლი დაგვირგვინებულია მართკუთხა შეღრმავებული ნიშნებით გაფორმებული ფრიზით, დეკორატიული კარნიზითა და შემაღლებული ფრონტონით, სადაც გაჭრილია ორი პატარა წრიული სარკმელი. ეზოსკენ მიმართულ ფასადზე, ნაგებობას, მეორე სართულზე ხის აივანი აქვს დართული, რომელიც დღეს მძიმე მდგომარეობაშია და მხოლოდ ფიცრულს წარმოადგენს. დაკარგულია მისი ჭვირული მოაჯირები. აივანი სახლს მთელს სიგრძეზე გასდევს. აღნიშნულ მხარეს, ფასადი შელესილია და დანაწევრებულია კარ-სარკმელთა თაღოვანი ღიობებით. პირველი სართული რიყის ქვითაა ამოყვანილი. ყურადღებას იქცევს ინტერიერის მოწყობაც, სადაც ჯერ კიდევ შემორჩენილია ძველი ბუხარი.
StatusName: კულტურული მემკვიდრეობის ძეგლი
StatusDocDate: 2006-02-23
StatusDocNumber: 3/46
RegistryN: 211
CategoryName: ობიექტი/ძეგლი კატეგორიის გარეშე
Country: საქართველო
Region: კახეთი
Municipality: თელავი
Settlement: თელავი
Address: კიკვიძე/8
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე–19 ს. I ნახევარი
InitialFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;
Classification: არქიტექტურის
Accuracy: სწორია
X: 45.4726193
Y: 41.9196587