ID: 135
ObjectID: 135
ID: 135
Name: საცხოვრებელი სახლი
FullName: საცხოვრებელი სახლი
ComplexName:
Description: საცხოვრებელი სახლი მოზრდილ ორსართულიან ნაგებობას წარმოადგენს. ის ორქანობა კრამიტის სახურავით არის დახურული. სახლს წინა მხრიდან თითო სართულზე ორ-ორი ანფიდალური ოთახი აქვს მიდგმული, რის გამოც გეგმა რუსული "г”-ს უახლოვდება. სახლის აღნიშნულ მონაკვეთს სახურავის უკანა ქანობი ფარავს. შენობა ნაგებია რიყის ქვისა და აგურის სწორი რიგებით (ძირითად მასალად აგურია გამოყენებული). სახლს, ფაქტობრივად, ორი ფასადი აქვს - ჩრდილოეთიდან და დასავლეთიდან. მთავარი ფასადი ეზოს ვრცელი ნაწილისკენ იხსნება. პირველი სართული შელესილია და ცალკეული ღიობებით არის დანაწევრებული. ის 1მ-ის სიმაღლის საყრდენ კედელზე დგას. აქ თავდაპირველად ღია სვეტნარი უნდა ყოფილიყო, აგურის იატაკით, სვეტნარი ამჟამად ამოშენებულია. შიდა სივრცე ეზოს რამდენიმესაფეხურიანი კიბით უკავშირდება. მეორე სართულის ფასადს მთელ სიგრძეზე, ჭვირული მოაჯირით შემოსაზღვრული აივანი მიუყვება, რომელიც ნაგებობას კუთხით შემოწერს და გვერდითა ფასადის ნახევარს მოიცავს. მეორე ნახევარი შუშაბანდად არის გადაკეთებული. აივანზე ასასვლელად, დასავლეთის ფასადის მარჯვენა კიდეზე მოწყობილია ხის გადახურული კიბე, რომლის ქვედა ნაწილზე პერპენდიკულარულად მიდგმულია ქვის საფეხურების ერთი მარშია. კარ-სარკმელთა მოყვანილობაპირველ და მეორე სართულზე სვადასხვაგვარია. ქვედა სართულის კარ-ფანჯარა მართკუთხა მოყვანილობისაა, ხოლო მეორე სართულის ღიობები ბრტყელთაღოვანია. ღიობების ზედა ნაწილებში, ხის პროფლილირებული ჩარჩოებით, შექმნიალია ლუნეტები. სახლის სხვენში მოწყობილია მცირე ზომის მანსარდი. სახლს წინ, გალავნით შემოზღუდული ფათო ეზო აქვს. გალავნის ცენტრში ალაყაფის დიდი კარია დატანებული, რომელიც ხის ძელზე დაყრდნობილი კრამიტის სახურავით არის გადახურული. შესასვლელის გვერდით, გალავნის კედელში, ბუხარი და თახჩებია მოწყობილი. სახლის ხუროთმოძღვრული-მხატვრული დომინანტის განმსაზღვრელი მისი აივანია, რომელიც სახლს მთავარ (დასავლეთით და ჩრდილოეთით) ფასადს მთელს სიგრძეზე გასდევს.
StatusName: კულტურული მემკვიდრეობის ძეგლი
StatusDocDate: 2006-02-23
StatusDocNumber: 3/46
RegistryN: 208
CategoryName: ობიექტი/ძეგლი კატეგორიის გარეშე
Country: საქართველო
Region: კახეთი
Municipality: თელავი
Settlement: თელავი
Address: კიკვიძე/4
Period: ახალი და უახლესი ისტორია _ მე-19-21-ე სს.>>ახალი ისტორია _ მე-19 ს.
ExactDate: მე–19 საუკუნის პირველი ნახევარი
DateRangeFrom:
DateRangeTo:
InitialFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;
CurrentFunction: საცხოვრისი>>ქალაქური>>მე-19 ს-ის 1-ლი ნახევრის ქალაქური საცხოვრისი;
Classification: არქიტექტურის
Accuracy: სწორია
X: 45.47284093
Y: 41.91942951